-
尋回失落的連結
出外靠朋友。近年香港人流散各地之時，這五個字就更顯重要。不論對隻身過來讀書打工的港人來說十分重要，連對我這些來了加拿大八年的「老移民」來說也很重要。 一九年九月，我和丈夫從滿地可搬到溫哥華，在此城也算是個「新人」。除了幾個在地老朋友「指下路」，也是靠自己探索這個陌生的城市。不料沒幾個月武肺爆發，一切社交幾乎斷絕，要認識新朋友是不可能的任務。不過網絡發達，因緣際會之下竟然無心插柳創辦了「溫哥華街坊會」，一晃眼也快三年。 最初「街坊會」只是個網上討論區，幸得一些有心的舊街坊，為初到埗的新人解答各種新移民服務團體鞭長莫及的貼地資訊，例如找餐廳、理髮、修車、報稅各式各樣的生活瑣事都一應俱全，繼而在任職抵埗服務的街坊支持下，開始舉辦各種在地資訊的網上講座。新來街坊卧虎藏龍，當中有不少富經驗的專業人士，講座也因而變得多元化。疫情稍退，十多名義工投入協助籌辦第一次的周年晚會，反應極佳筵開十席，吸引了過百人參與。
-
溫哥華街坊會周年晚會 VKA Annual Gala 2023
一年一度嘅溫哥華街坊會周年晚會 VKA Annual Gala又嚟喇！ 晚會喺12月2號喺列治文嘅鴻星海鮮酒家舉行，我哋希望當晚會係一個俾大家同朋友聚首一堂嘅機會，一齊慶祝2023年嘅努力成果之餘仲希望大家趁機再認識更多新朋友。到時當然會有遊戲同表演啦！今年我哋會搞搞新意思玩下拍賣，希望大家到時會多多參與同埋玩得盡興！
-
11月行山聚會
一般人講起Stanley Park 就會諗到佢嘅 seawall ，但係其實 Stanley Park 裏面有好多 trails 。 今次就帶大家行吓裏面D trails啦! 我哋仲會喺唔同嘅位置欣賞到條 Lions Gate Bridge添! 日期：11月11日（星期六）集合時間：9:30AM集合地點：bus loop in Stanley Park (bus#19) Google Map需時：2.5 – 3小時 (未計食晏時間) 報名/詳情: https://tickets.vankaifong.com/hike-202311/page/detail/
-
溫哥華街坊會新抵埗港人獎學金 VKA New Comer Scholarship
街坊會成立近三年，一直以來都以壯大港人社群和支持新抵埗港人落地生根，盡快融入成為港裔加拿大人為目標。去年在註冊成為非牟利團體後有舉辦電影首映會等活動，感謝社區人士及商戶支持，令我們籌集到一些資金，旨在讓街坊受益。我們舉辦活動時首要考慮的是活動背後的意義，而活動費用亦是我們考慮的重點之一。我們盡量會用較貼地的方式舉辦活動以降低成本，讓街坊不至因經濟原因而卻步。 奈何近年物價急速上漲，生活成本倍增，我們舉辦的活動亦要調整收費以避免虧損。就如今年春季舉辦的 Stave Falls 和 Fort Langley 旅行，除了玩樂也可以了解本省的歷史，極具教育意義。不過由於要乘坐旅遊巴，活動收費自然比較高，亦確實令到一些未有經濟能力的街坊(如全職學生)卻步。我們義工內部商討使用籌得資源補貼一些活動時，就有人提出效法海外港人和其他族裔團體，推出獎學金，直接提供經濟援助更爲了當，「溫哥華街坊會新抵埗港人獎學金」因此誕生。
-
九月遠足活動
-
強積金及稅務優惠問題
好多香港新移民或回流嘅朋友仔，都可能要處理強積金MPF嘅事宜，同時又對加拿大嘅福利一知半解。咁究竟點樣可以有效率地將香港嘅MPF過嚟加拿大，又或者有冇一啲加拿大嘅福利我係需要注意嘅呢？ 我哋請黎理財專家 Hayman Tam 同大家講下點樣將MPF從香港轉過嚟加拿大達到最大嘅稅務優惠，順便講下加拿大嘅退休福利。 日期：8月29日星期二 時間：1830入場，1900開始 地點：#415-6388 No.3 Road, Richmond, BC RSVP留位：https://www.showpass.com/mpf_tax
-
English Conversation: Face-to-face (Aug Edition)
嚟緊街坊會8月嘅「English Conversation: Face to Face」 會有新搞作，快啲去Eventbrite報名啦！ Eventbrite: https://english-convo-aug.eventbrite.ca/ 日期：8月26日（星期六）時間：10:30 – 13:00地點：Waterfront Centre Food Court, 200 Burrard Street, Vancouver, BC, V6C 3L6 今次活動嘅新搞作： 到時見啦！See you there!
-
2023-07-25 街坊泰拳初體驗
-
2023-07-16 香港人社區空間
第二次嘅香港人社區空間活動嘅反應非常熱烈！近50人黎到參加交流，一路食pizza一路結識新朋友，見到好多新街坊都學到加拿大生活小技巧主動出擊交談，邁出新生活嘅第一步真係非常令人開心！同場亦有唔少舊街坊專程黎到希望認識下新黎嘅香港朋友，伸出咗互助第一步。 當然戲肉就梗係街坊 Guy 嘅加拿大法語文化講座喇！雖然好多街坊都扮唔識，但係其實有啲都講得兩下嘅！希望今次係一個好嘅開始，等大家可以學到加拿大嘅第二語言。 Miss咗？唔緊要，我哋有 IG LIVE: https://www.instagram.com/p/CuxkuIthK-M/
-
2023-07-11 立式單槳衝浪
溫哥華街坊會 Vancouver Kaifong Association
傳承、接納、共融
Preserve, Embrace, Synergize
Posts 文章
所有文章