8月28日星期日天朗氣清，啱哂我哋一班街坊去行山。朝早10點幾，一行28人分成4組，浩浩蕩蕩向Norvan Falls出發。沿途有清澈小溪，又有樹林成蔭，景色真係唔錯。雖然到達瀑布要兩個半鐘，但邊行邊講唔覺唔覺就行到。因為今個夏天雨量唔算多所以瀑布水流唔算太大，但一樣吸睛，大家一邊欣賞美景一邊休息食晏，非常愜意。 休整約一個鐘後，下晝4點半我哋安全返到起點結束今次行山活動，雖然時間長少少但沿途唔算崎嶇難行，就算對幾位上咗年紀嘅街坊一樣無難度。活動完結後大家都不約而同問嚟緊幾時再有活動，想知就記得留意公佈，又或者加入我哋嘅discord！

P.S. 再次多謝Winnie同Herman嘅準備工作同帶隊！