初初見評價咁高係有懷疑嘅，以為又係d 騙西人的壽司，但坐落食落都覺得非常唔錯。

裝修好可愛，又好有日本居酒屋感覺，好似番左鄉下。店內好多八爪魚的擺設，唔知係咪店長 Sada 師傅的吉祥物呢？

去食日本料理其實最緊要係睇佢塊手寫板，你會見到當季最新到的鮮魚，或者廚師推介的食品，叫一定無衰。

魴鮄魚薄切，味道鮮甜，好耐無食過咁好味嘅刺身。

壽司係幾合一，$45 的師傅選的壽司，$40 的吞拿魚sampling，加埋 jumbo negitoro 碎蔥吞拿卷，好滿足。我仲加左一件喉黑 nodoguro，真係唔係成日有得食，有得食好食。

食完 Sada 師傅送左兩杯梅酒俾我地，佢真係好好客，雖然一杯酒唔駛幾錢，但最緊要有心，可惜坐唔到吧檯，可能因為吧檯都留座俾坐日本人了。

我唯一有點不滿嘅，係豉油偏咸。

店子好難預約，仲要打電話都未必有人接，想試下就要加多少少耐性了。

（去廁所一轉原來有好多收穫，你又試下睇下你見到d 乜？）

Octopus’ Garden Restaurant
1995 Cornwall Ave, Vancouver, BC V6J 1C9

琥珀。經過好幾次想去試下，等到今日下午茶先得閒去下。好好笑，尐待應喺你面前講日文，但背後佢地自己人就講韓文，唔好以為我唔知😂😂 當然，韓人整唔一定唔好食，但呢間一定係唔好食😂😂 炸粉厚，蝦無味，同去Richmond 尐香港人開嘅日本野無乜分別，但佢係主打天丼喎😂 是旦啦，雖然 Robson 間金子半之助已經無開時咁好食，我都覺得好食過佢。我睇番資料，呢間野新加坡先係本店，明哂。