温哥華街坊會
網誌 Blog 媒體報導 Media

新移民報稅：MPF 的稅務問題 – FOLLOWUP

2022年3月10日 · Yuki Wong

大家好！自從筆者一月份發表了 「新移民報稅：MPF 的稅務問題」，得到坊間很多回響，就此特別感謝大家的Support！ 以下係想回應一些對該POST 的常見問題： 首先，大家要明白，加拿大稅法是走Common Law制，可以理解為用先例而立法。至於MPF，在筆者的考究下并未找到先例。但這不是好事，因為要成為案例，首先就是要把稅局告上法庭！所以根據筆者從事國際稅法工作經驗，好多Case都是會上到法庭前Settle。 那筆者是鑑於以下幾點作出結論： １）MPF是不是Pension？ 基於所得稅裁決局－Income Tax Rulings －2001 年的信件中確認 [１] MPF 符合《所得税法》下 Foreign Pension Plan（境外退休金計劃）定義 ２）MPF其實是移民前收入，可不可以只考慮移民後的升值？ 這個觀點是以MPF是投資基金而不是退休金為前提，但在2001 年的信件中已**！明確！**確認MPF是境外退休金計劃。以下是信中裁決局的回答： Question #1 Would the Plan qualify as a foreign pension plan for purposes of the Income Tax Act (the “Act”)? Response Based on our understanding of the Plan, the Plan would constitute a foreign pension plan for purposes of the Act. Question #4 If subsequent to moving to Canada, a member of the Plan withdraws the full amount owing under the Plan in a lump-sum, how will the lump-sum payment be taxed and will the payment be eligible for transfer to a registered retirement savings plan (“RRSP”)?

閱讀更多 Read More →

加拿大入籍試 2021：預備考試篇

2022年2月23日 · 小譚

官方讀本只係 Discover Canada，沒有其他讀本，裡面寫乜就會考乜，因為讀本的英文程度唔算難，所以作為一個識字的香港人原則上你係唔需要再用其他的讀本。 Discover Canada 裡面的內容非常詳盡，由加拿大立國歷史，到政治、經濟、每一個省市都有涉獵，所以就算你在加拿大住了幾年，有很多資料你都未必會知道。不過有些題目，你係一定要知道的： 加拿大人的公民責任，做加拿大人有甚麼權利同義務 三級政府、同英女皇的關係、國會的組成、政治同選舉 加拿大立國的歷史，尤其是與土著的關係、與英國及法國的關係、與美國的紛爭、到1867年前後各省幾時加入成為加拿大國、到兩次世界大戰（中間有提到香港）到現代 代表加拿大的事物，如楓葉、水瀨、國旗顏色等等 10省3領地各有甚麼特別的地方 加拿大人的成就，取得特殊勳章的人、科學、體育、文化有名的人物 對我來講，記年份係比記發生甚麼事更困難，所以我由頭至尾睇過一次讀本之後，就列表當中講過的年份發生甚麼事，咁樣要參考番就容易得多，比如： 1840 – Upper/Lower Canada united to form Province of Canada. 1847-48 – NS – full responsible government 1849 – La Fontaine, first leader of responsible government. 1857 – Ottawa chosen as capital by Queen Victoria 1864-67 – Fathers of Confederation worked together to establish a new country Two levels of government – federal and provincial. split Province of Canada to ONT and QC Dominion of Canada – Sir Leonard Tilley in 1864 – Psalm 72 – dominion from sea to sea and from the river to the ends of the earth 。。。 加拿大地理亦是非常重要，建議你用 Google map 去俾自己 Visualize 讀本中提過的地方，會幫你記憶。

閱讀更多 Read More →

加拿大入籍試 2021：基本篇

2022年2月23日 · 小譚

各位街坊大家好。小弟在2021年4月上網做完加拿大入籍試並已合格，因為同前人的經驗有少少出入，所以都想分享少少點樣預備個試。 話明入籍試當然係你已經喺加拿大吽左三年並已經伸請了入籍的手續，今次因為疫情的原因所以官方特別做了這個網上試而非進入試場，而我由伸請到被邀請考試到入籍唱歌，全程經過1年半左右。 （如果你根本唔知點先至可以入籍，睇左呢度先：) 因為官方與你溝通的方法只係email (我並無在正常郵政收到同樣邀請通知，或在 IRCC 網站知道已寄出邀請信），所以你必須 經常 check email 同 email 的 spam folder，以免過了時限而不自知。一般而言發出了邀請的 21 日內你要完成考試。 官方信列明得很清楚你需要甚麼去準備考試，所以我不再詳細講： 一部有webcam 的 laptop 或 iPad，使用 Safari 或 Chrome (Surface Pro，電話同 iPad Chrome browser 唔得） 你的身份證明文件（PR card 或車牌或其他有你照片及簽名的證件），佢會要求你在 webcam 前影張咭做認證 Reliable 的上網設備，盡量在自己屋企上網，唔好用電話網路，唔好用公開 WIFI， 最好自己閉在房內 不過值得一提的是 PR card 張咭極度反光，如用webcam 在screen 前影張咭的話係好難影得清楚（因為screen 也是白色反光），最後我死死地氣用番車牌。 官方話預備考試的官方讀本只是 Discover Canada，裡面寫甚麼就有機會考。你可以使用網上的文字版、語音版、PDF 版（同實體書一樣排版）或要求官方寄一本實體書俾你。 Discover Canada: https://www.canada.ca/en/immigration-refugees-citizenship/corporate/publications-manuals/discover-canada.html 點樣預備考試請看我另一篇分享。 到考試當日，準備好自己坐定定，間屋無乜人走來走去，光線充足，唔要有咩野騷擾自己，因為在半個小時的考試中，website 會隨機用 webcam 拍攝你考試中的樣子，如果你有甚麼特別舉動，比如離開座位或翻看別的地方，你可以被取消資格。 去官方要求你去的 IRCC 網站開始考試：https://www.canada.ca/en/immigration-refugees-citizenship/services/canadian-citizenship/become-canadian-citizen/citizenship-test/online.html 依照指示sign in，agree 左一大堆野之後會要求你確認 email，你會收到一條新 Link，你要開呢條 link 再sign in 一次，而呢條 link 只會有效15 分鐘，所以過了一陣都收唔到的話就要再check check 了。

閱讀更多 Read More →

新移民報稅：MPF 的稅務問題

2022年2月22日 · Yuki Wong

最近好多人都關注MPF的稅務問題，特別在成為稅務居民後提取的MPF，會否當作收入需要報稅。 根據《所得税法》（Income Tax Act）第 56(1)(a)(i) 條 [1]，稅務居民每年收到的境外養老金要在收取的同一年度中加進收入並納稅。 加拿大稅局金融業司／所得稅裁決局局長Roberta Albert 在一封 2001 年的信件中確認 [2] MPF 符合《所得税法》下 Foreign Pension Plan（境外退休金計劃）定義。 此外，根據香港會計師公會在2004 年的指引[3]，MPF 被視為「界定供款計劃」（Defined contribution scheme）。 換言之，在成為稅務居民後提取MPF 該年，該筆款項要在收到的同一年度中加進入息之中。 解決方式： 雖然MPF 會100% 當作收入，但加拿大稅法容許符合 《所得税法》第 60(j)(i) 條[4] 標準的「境外退休金計劃」可以直接轉入「加拿大註冊退休儲蓄計劃」（RRSP）。 加拿大稅務居民可以將「一筆過」提取的外國養老金於提取MPF 的同一年或明年首60 天或以前存入加拿大RRSP 戶口內。 在這個計劃下，因為你存入了款項到RRSP 戶口內，您可以減少收入，並達成免稅或減稅效果。 特別提醒！RRSP 提取的同一年度才需要加到收入納稅！只要不提取是不會加到收入而須納稅的。 由於《所得税法》第 60(j)(i) 條相對複雜，加拿大稅局也不會自動知道你引用該稅法。如有出錯會有重大後果，故此建議你在該報稅年度尋找專業會計師（CPA）代為處理。 如何開設RRSP戶口： 選擇開設RRSP 帳戶的金融機構（銀行、保險或資產管理公司） 提前準備 RRSP 開戶所需文件： SIN 號碼 有照片的身份證明（Photo ID） 住址證明 確定金額：因為會影響你的收入和稅收，最好諮詢會計師確定金額 存入RRSP 帳戶， 期限為提款後翌年首60 天 或以前 注意： 本文內容經精心準備惟以籠統方式寫成，僅能作為一般指引看待。讀者不能依賴本文章來涵蓋特定情況，不應在未獲得特定專業建議的情況下根據文中資訊採取行動或不採取行動。 請聯絡註冊會計師，根據您的具體情況討論這些問題。對於任何人因依賴本文資訊或基於本文的資訊而採取或未採取的任何行動而導致的任何損失，我們不接受或承擔任何責任或義務。請注意，本文內容有時間性，受法例變動影響。 撰文：Yuki Wong , CPA @ Kingsmen Consulting CPA Professional Corp (Personal, Corporate, Estate, and International Tax Specialist)

閱讀更多 Read More →

不一樣的越南店  Hanoi Old Quarter Restaurant

2022年2月14日 · 小譚

Victoria Drive 有好多越南店，雖然每一間都有佢代表的食品，但好多都只係有普通裝修、白光燈同基本檯凳，食完就算，反而呢度感覺好cozy 好舒服，同一般越南店好唔同，食落更有 feel。 食物方面，越南菜唔一定係牛河檬粉。在 review 中見到呢個黃薑魚柳好多好評，所以就試一下。佢面頭好多刁草同蔥，雖然好似好簡單的一道菜，撈埋檬粉同生菜，點上有點點辣的蝦醬，好醒神好好味。 另外係雞湯河，淨係見到面頭好多蔥都覺得好醒神，雞好嫩滑完全唔鞋，湯的味道好特別，唔錯。 最後叫了呢個好少見的蛋咖啡，係呀，打均了的蛋黃加越南咖啡。來時用熱水座住隻杯保溫。可惜我覺得太甜，可能多左錬奶，如果無咁甜就更加飲到蛋的嫩滑，不過又奇在呢樣野又幾夾，感覺仲滑過 cappucino。 如果大家覺得普通的越南菜有點悶，可以來試一試，或者你會改觀。 Hanoi Old Quarter Restaurant 5207 Victoria Dr, Vancouver, BC V5P 3V4 604-327-6789

閱讀更多 Read More →

抵食的聖誕Brunch BRUNO

2022年1月10日 · 小譚

新年都過左成個禮拜，而家先記得貼呢篇，真係罪過😅 聖誕節我傳統會去西餐廳食個 brunch，今年因為預計會下大雪不想去 downtown 咁遠，所以就試一試呢間在列治文新開的酒店內的餐廳。雖然我係話聖誕來，但這個 brunch 平日周末都有。 雖然每人$75 好似貴左少少，但其實多野食到痴線。單看餐牌以為係內裡選一兩樣野，原來錯了，係餐牌內所有野都有。開波個 seafood platter 有蠔有蜆有帶子仲有好肥美嘅蝦，上面係 tuna crab poke，搭埋佢個自炸薯片一齊食，好好味。蠔係90分鐘內任點任食的，非常新鮮。 之後來主菜，龍蝦三文魚的 Benny，Benny 的sauce 非常好味，好似將龍蝦都變了配菜一樣。因為之前的海鮮都飽了一半，之後的 brussel sprout 同薯仔都食唔落，而且仲有個餐廳自製的 waffle。 最後甜品來了餅乾同 macaron，加杯咖啡，嘆一下白色聖誕，都是非常爽。 雖然餐廳唔算大，但坐得幾舒適，不過就唔好期望有咩風景睇或有咩特別打咭位，係無嘅。停車場有點奇怪，指示都有點混亂，不過都是小問題，呢度都可以值得再來。

閱讀更多 Read More →

街坊會一周年回顧

2021年12月11日 · vankaifong

開個谷就其實真係㩒幾個制就搞掂，但係點樣維持呢個平台就真係每一日都要花好多心機時間嘅。#溫哥華街坊會 能夠有今日，我想喺度多謝呢一班熱心嘅卑詩街坊擔任版主、顧問同義工，大半年黎全年無休咁幫呢個平台手，今次周年聖誕聚餐仲捐左好多禮物出黎與眾同歡，同花左兩個幾月時間去籌備！我知道大家原本都係諗住喺呢個平台吹水，而家佢哋所做嘅已經遠超過佢哋入嚟呢個平台原本打算做嘅嘢。開谷一年我哋能夠喺溫哥華呢度坐埋一齊食呢餐飯，一齊睇呢條片，義工嘅熱誠令到件事成真！真係非常感激大家嘅熱心同支持。

閱讀更多 Read More →

溫哥華島小介

2021年11月22日 · 避世婆婆

除咗比較多人知嘅卑詩省府維多利亞（域多利），温哥華島上仲有好幾個大城小鎮。 Victoria 係喺島嘅最南，沿住島嘅東邊上去有 Duncan, Chemainus, North Cowichan, Ladysmith, Nanaimo, Parksville, Qualicum, Cumberland, Courtenay, Comox, Campbell River,等等。其中 Nanaimo 因為有船直去溫哥華，亞洲人都唔少。Fairway Market 有分店响 Nanaimo 但係我未去過所以唔知係咪好似 Victoria 其中兩間分店噤多啱香港人嘅嘢。 島上以 Victoria 嘅屋價最貴，跟住好似係 Nanaimo, 然後好似到 Courtenay。以我所知哩三個地方繼續起緊新屋同樓，越嚟越多人搬去住。 島中間嘅 Port Alberni 都好似多咗人住，西面嘅 Tofino 吸引唔少人去滑浪。依家網上可以搵到好多野所以不妨可以睇吓每個地方嘅情況了解多啲。 公立學院同大學方面： Victoria 有 University of Victoria 同埋 Camosun College. Royal Road University 唔知係咪公立（編註：係公立的）。 Duncan 同 Nanaimo 有 Vancouver Island University. Campbell River, Courtenay, 同 Port Alberni 有 North Island College。 Nanaimo 好似唔少越南人，多咗好多啱香港人食嘅嘢。Victoria 就多咗韓國人，有好幾間韓國餐廳，亦都有韓國人做日本餐。有間韓國人做嘅越南+韓國菜叫 Pho U，我哋不時都會去。拉麵館，泰國菜，同越南餐廳都多咗。

閱讀更多 Read More →

維多利亞生活 住屋租屋篇

2021年11月15日 · 避世婆婆

我先想講些少歷史。話說 Victoria 喺三四十年前冇依家咁多人同埋車，果時 Langford 仲係樹林同草叢，但係已經開始多咗外地人（包括由其他省份同埋海外），有唔少三四層高嘅 apartment buildings （柏文）就喺果時（或者更早）起咗嚟租俾人住。Townhouse（排屋）都漸漸開始多。但係獨立屋仍然係最多。 以前一個家庭有起碼三個小朋友係好常見，而一間兩層至三層高嘅屋通常都會有個 in-law suite 俾老人家住，方便照顧。另外有啲屋係二戰後起嘅，只有一層半，有客廳飯廳加一兩個睡房，廚廁各一，依家已經所餘無幾，因為有好多已經拆咗重建。當然仲有其他大大小小嘅屋，有啲成百年歷史，仍有人住。 隨著近三二十年嘅人口增長，新屋/樓起唔切俾人住，政府就俾有啲比較大嘅屋將佢變成上下duplex （孖屋）或者 triplex 甚至係4-plex，各個單位有獨立廚房廁所同埋電錶。Quadra 街近 Bay街有一間, 可以上 Google 望吓。 以前 in-law suites 係唔可以好似普通柏文咁出租嘅，係近哩十幾年因為有好多人間屋度都有 in-law suite，又有唔少要靠租佢出去嚟幫補係咁升嘅地税，加上人口繼續增加，政府就開始放寬 in-law suite 嘅租務管制。最近仲多咗樣嘢，係可以將多數位於屋旁邊或者後園嘅車房改造成獨立單位出租，咁當然要政府批准咗先得啦。 但係因為實在太多人由四方八面搬過嚟 Victoria 住，依家 Langford 已經冇咗好多樹但係多咗好多屋同埋大型店舖，Victoria 市中心同埋其他地區都有唔少多層建築起緊，但係暫時仍然有唔少本地人因為租金太貴而冇屋住（好多被逼遷咁個包租可以乘機裝修完就加租）。所以依家喺 Victoria 租地方住難唔難真係要睇你想租啲乜同埋你個荷包夠唔夠銀両。 始終 Victoria 唔似得香港噤人煙密集，步伐亦都唔似香港噤急，有好多嘢由現代香港人嘅眼光睇嚟係冇噤先進。有啲租屋廣告可以喺網上面搵到，但係亦都有唔少淨係喺棟大廈前面個招牌果度，不過果類多數會係起碼廿年樓。所以要搵地方租會需要花多啲功夫。 哩幾間比較大嘅物業管理公司嘅網址： https://devonproperties.com/ https://brownbros.com/ https://www.rentcolwoodcorners.com/ https://www.townline.com/rental-homes https://www.prolinemanagement.com/for-rent/ https://pembertonholmes.com/when-it-comes-to-renting/ 有最近到埗嘅香港人話最好係先租 AirBnB 落腳後再搵地方搬，一來 AirBnB 租期短又可以隔山訂，二來哩度啲人都係比較上「舊式運作」，同埋你可以親身睇屋同埋周圍環境始終係好啲。

閱讀更多 Read More →

很有 heart 的日本菜 Octopus’ Garden

2021年11月15日 · 小譚

初初見評價咁高係有懷疑嘅，以為又係d 騙西人的壽司，但坐落食落都覺得非常唔錯。 裝修好可愛，又好有日本居酒屋感覺，好似番左鄉下。店內好多八爪魚的擺設，唔知係咪店長 Sada 師傅的吉祥物呢？ 去食日本料理其實最緊要係睇佢塊手寫板，你會見到當季最新到的鮮魚，或者廚師推介的食品，叫一定無衰。 魴鮄魚薄切，味道鮮甜，好耐無食過咁好味嘅刺身。 壽司係幾合一，$45 的師傅選的壽司，$40 的吞拿魚sampling，加埋 jumbo negitoro 碎蔥吞拿卷，好滿足。我仲加左一件喉黑 nodoguro，真係唔係成日有得食，有得食好食。 食完 Sada 師傅送左兩杯梅酒俾我地，佢真係好好客，雖然一杯酒唔駛幾錢，但最緊要有心，可惜坐唔到吧檯，可能因為吧檯都留座俾坐日本人了。

閱讀更多 Read More →