溫哥華之櫻
小譚
又到一年一度的櫻花季節。如果大家去過日本都知道每年3 月中至尾日本櫻花都會盛開、一星期左右就散落，淒美得令人恨不得飛去看。很多人都說想去日本賞櫻，但實際很難計劃得準確。其實，櫻花在北半球很多地都有，盛開時都非常漂亮，相信大家有去了英國的朋友都會貼上現在櫻花盛開的照片。
在 30年代，神戶及橫濱市捐贈了500 棵櫻花並放在Stanley Park 的 Japanese Canadian War Memorial 以記念第一次世界大戰為加拿大參戰的加國日本人。自此，溫哥華逐漸開始在街道種植櫻花樹去取代大棵的榆樹及楓樹，除了因為櫻花的美觀之外，相對細少的櫻樹對行人道及水道的破壞都會減少。
溫哥華有超過4萬棵櫻花，而且有不少種類，花期都不一樣，所以你可以由3月中開始到4月尾都有機會睇到櫻花。呢幾年我周圍去尋找一些有特色的景點，大家可以參考一下。
1️⃣➡️Arbutus Ridge (W 22nd Ave x Yew Street) 通常3月的第三個星期開始滿開，這裡是我最喜歡的景點，因為地勢由高至低再上番山，橫越5、6條街的櫻花樹就似一條長龍般伸延去山谷的另一邊，非常壯觀。
2️⃣➡️ W 16th Ave, Granville 至 Burrard 之間，整條路都係櫻花。不過呢條路好多車，要影就要諗d 方法。
3️⃣➡️ Rupert x E 3rd Ave，當你由 Rupert 轉右入 E 3rd 你就會見到這個情景，路的兩旁係滿開的櫻花，而遠景係錫克教會尖頂的會堂，非常特別。如果你有長焦的話，可以過番另一邊的W 3rd 在公園旁影會更靚。
4️⃣➡️ Windermere x E 16/17 Ave 呢度有哂所有野在一個景內：櫻花，雪山，高低的山谷，呢度就算無花風景都非常漂亮。只係背景好多電線所以要小心d影。
5️⃣➡️ 在 Windermere 同 Lillooet 的一段短短的 Graveley Street，裡面整條街都是非常大及上了年紀的櫻花樹，當花一開時簡直是一個花海，所以每年這時候都會吸引很多人來拍照。不過據 @cherryblossommadness 報道，今年 Graveley 街有渠道工程，所以條路封左，所以影相應該係唔靚。
當然，仲有以上所講 Stanley Park，Downtown Burrard 站旁邊都有不錯的櫻花群。其實，市內差不多周圍都見到櫻花，大家不妨發掘一下周圍櫻花景點。不過影還影，市內不少櫻花景點其實都在民居中，大家要影都不要踩入人家的花園及大聲騷擾啊。