Victoria Drive 有好多越南店,雖然每一間都有佢代表的食品,但好多都只係有普通裝修、白光燈同基本檯凳,食完就算,反而呢度感覺好cozy 好舒服,同一般越南店好唔同,食落更有 feel。
![溫暖感的小店](https://vankaifong.files.wordpress.com/2022/02/img_2820-2.jpg?w=525)
![牆上的餐牌](https://vankaifong.files.wordpress.com/2022/02/img_2819-2.jpg?w=525)
食物方面,越南菜唔一定係牛河檬粉。在 review 中見到呢個黃薑魚柳好多好評,所以就試一下。佢面頭好多刁草同蔥,雖然好似好簡單的一道菜,撈埋檬粉同生菜,點上有點點辣的蝦醬,好醒神好好味。
![很多刁草的黃薑魚](https://vankaifong.files.wordpress.com/2022/02/img_2825-2.jpg?w=525)
![魚撈蝦醬](https://vankaifong.files.wordpress.com/2022/02/img_2823-2.jpg?w=525)
![](https://vankaifong.files.wordpress.com/2022/02/img_2828-2.jpg?w=525)
另外係雞湯河,淨係見到面頭好多蔥都覺得好醒神,雞好嫩滑完全唔鞋,湯的味道好特別,唔錯。
![很多蔥的雞湯河](https://vankaifong.files.wordpress.com/2022/02/img_2827-2.jpg?w=525)
最後叫了呢個好少見的蛋咖啡,係呀,打均了的蛋黃加越南咖啡。來時用熱水座住隻杯保溫。可惜我覺得太甜,可能多左錬奶,如果無咁甜就更加飲到蛋的嫩滑,不過又奇在呢樣野又幾夾,感覺仲滑過 cappucino。
![蛋咖啡](https://vankaifong.files.wordpress.com/2022/02/img_2830-2.jpg?w=525)
如果大家覺得普通的越南菜有點悶,可以來試一試,或者你會改觀。
![](https://vankaifong.files.wordpress.com/2022/02/img_2831-2.jpg?w=525)
Hanoi Old Quarter Restaurant
5207 Victoria Dr, Vancouver, BC V5P 3V4
604-327-6789