Bo [00:03]: 各位街坊，你哋好啊！我哋係街坊匯。我是主持人阿 Bo。
May [00:09]: 我係阿 May。
Jacky [00:10]: 我係 Jacky。
Bo [00:12]: 歡迎嚟到街坊匯啊，佢係溫哥華街坊會乘 One Night Talk 嘅一個 Crossover 嘅節目，每個星期一都會喺 10 點半準時上架嘅。咁我哋今集就好開心啊，因為第一次請到一位嘉賓講生仔，我哋就係新手爸媽。阿 May 呀，你有冇諗過做阿媽？
May [00:33]: 呃… 有諗過嘅，但係唔係而家。
Bo [00:37]: 我就… 考慮緊囉，都好畏懼，驚啊。
May [00:41]: 係啊，好多人驚啊。
Jacky [00:42]: 係，咁我哋今日又請咗個嘉賓嚟講下啦。
Bo [00:45]: Jacky 你係老手爸爸嚟㗎喎。
Jacky [00:47]: 老… 老泰爸爸。
Bo [00:50]: 好，我哋今日好開心請到 Catherine 啊，不如我哋請嘉賓 Catherine 自己介紹下。
Catherine [00:55]: 大家好啊，我係 Catherine 啦。咁其實我都係香港移民過嚟嘅，咁我 2019 年就嚟咗呢度。咁其實我都算係新移民，不過呢，喺呢幾年時間呢，我就做咗好多嘢。咁其實呢，我有幾個牌照嘅，咁我係註冊按摩治療師 RMT (Registered Massage Therapist) 啦，我亦都係 Registered Lactation Consultant，註冊嘅國際認證母乳顧問，同埋我亦都係 Doula，即係陪產士，即係陪你入醫院，陪住你生仔，三個角色嘅。咁我依家喺溫哥華 Downtown 同埋列治文醫院附近都有兩個 Location 嘅，咁 Private Practice。
Bo [01:38]: 哇，好犀利啊。
May [01:39]: 係啊，好犀利啊。
Bo [01:41]: 同埋呢，即係一講生仔呢，好多時都係好束手無策，好驚㗎嘛。咁啊 Catherine 想問下啦，以我哋呢嘅… 好微小嘅認知呢，就知道可能多數係順產或者開刀啦。咁其實喺加拿大呢，有無其他嘅流程… 或者方法可以幫助到啲媽媽去生仔㗎？
Catherine [02:00]: 咁其實喺加拿大呢，生仔嘅選擇呢就比香港多好多嘅。咁一般人呢嚟到呢，即係作為一個新移民呢，咁我哋就要有一個好開放嘅心態去了解，究竟加拿大呢係點。因為香港呢，其實呢 C-section，即係開刀產嘅比例係好高嘅，咁喺加拿大相對低啲。咁如果一般呢，呃… 除咗話開刀生或者順產之外呢，其實呢你生嘅 Location 唔一定係醫院㗎，你可以係揀屋企生㗎。咁而陪你生仔嘅人呢，都有唔同嘅選擇嘅，咁所以呢係個選擇性係好多嘅，吓。
Bo [02:38]: 哇，好得意喎。阿 May 你有無聽過喺屋企生啊？
May [02:41]: 有聽過，喺水入邊生都有㗎嘛，呢度係咪都有呢一種…？
Catherine [02:45]: 係㗎。
May [02:45]: 喺浴缸入邊咁樣係咪啊？
Catherine [02:47]: 呃，通常呢… 要睇下你個屋企個浴缸嗰個清潔程度啦，同埋嗰個四周嘅環境。咁我一般呢就會建議呢去租一個專用嘅浮池，咁充氣嘅，咁就 Sanitize 咗，咁就租咗返嚟擺喺你屋企，咁就注滿相關嘅乾淨嘅水囉，側邊鋪晒啲 Linen 啊各樣嘢呢，咁就可以喺屋企準備生嘅。
Bo [03:13]: 哇，好 Creative 喎未聽過。我之前淨係聽過好似 TVB 有個女明星就喺屋企生。咁但係呢，譬如作為新移民啦，到步或者可能都攞咗 PR，可以… 都想進入人生另一個階段啊，咁嗰個生仔個費用會唔會好貴啊？
Catherine [03:31]: 咁好生，如果我哋已經係有 MSP，即係嚟到有 MSP 嘅話，其實生仔就唔駛點樣樣畀錢嘅，好少嘅啫。咁同埋呢呢度呢亦都同香港好唔同嘅，生… 順產呢基本上呢… 廿… 即係一兩日呢已經係要出院㗎喇。開刀都係兩日度都係出院㗎喇。
Jacky [03:49]: 係啊，關係係啊。
Catherine [03:50]: 兩日！
Jacky [03:51]: 兩日就俾人趕… 因為… 之後嗰朝早趕扯咗啦。
Bo [03:57]: 咁係真係可以嘅？定係佢係因為無床位啊？
Jacky [04:01]: 因為… 唔係，最主要因為佢無嘢囉。即係無乜… 即係生完健健康康，細路仔健健康康，咁就走得㗎啦。
Bo [04:09]: 兩日就返屋企自己理啦。
Catherine [04:11]: 所以呢度真係好唔同㗎。
Bo [04:13]: OK，喂咁可唔可以… Let’s say 我異想天開啲，去個 Resort 生仔得唔得㗎？
Catherine [04:18]: 當然得啦！
Bo [04:20]: 咁到時… 咁我哋 Midwife 啊，Doula 啊成 Team 咁樣陪你去 Resort 度生囉。
Jacky [04:27]: 即係就算咁樣都係 MSP 包嘅？
Catherine [04:30]: 呃… 因為 Midwife 呢，咁佢哋嘅 Service 呢 MSP 係包嘅。
Jacky [04:35]: 因為其實你揀一個㗎嘛係咪？
Catherine [04:37]: 呃… 你所謂只揀一個係點？
Jacky [04:39]: 即係… 咁講返我以前啦，因為其實我兩個細路仔都喺加拿大出世嘅。咁好多人就會揀搵個 OB 啦，咁其實我哋就搵咗個 Family Doctor 嘅。咁嗰時個 Rationale 呢就係因為 OB 呢，生嘅時候呢就未必會嚟得到親自同你幫你生嘅，因為佢可能忙。咁 Family Doctor 呢就輪更嘅，咁所以呢，呢個嚟唔到就下一個嚟，咁都係有經驗嘅人。咁我又聽到話其實… 即係你可以揀 OB 又可以揀 Family Doctor，咁其實即係 Midwife 其實都係其中一個選擇係咪？
Catherine [05:11]: 無錯無錯。咁其實你講得好啱嘅，咁其實簡單啲嚟講呢，呢度係有三個選擇嘅。咁第一頭先你有講過啦，Family Doctor 啦，咁唔係個個 Family Doctor 都可以做到嘅，咁呢啲 Family Doctor 呢佢哋係有相關嘅… 即係產科嘅訓練嘅，咁就亦都係喺佢哋嗰個 Scope 入面呢，佢個 License 嘅 Scope 入便係有定明佢哋係可以做到呢樣嘢。但係佢哋一般呢，就呃… 個 Service 呢同 OB 係會有少少分別嘅，亦都係會睇返個媽媽個 Complication 係點樣樣。即係我畀個舉例，就係如果媽媽係 35 歲或以上嘅，咁可能就未必會係 Family Doctor 去 Handle 㗎喇，咁就可能係 OB Handle。又或者係你係懷雙胞胎嘅，咁… 呃… 亦都可能係 OB 去 Handle，因為 Mostly 可能… 即係雙胞胎啊或者三胞胎都係開刀生嘅。咁呢個好視乎你個 Complication 嘅年紀，同埋你過往嘅 History 你究竟係第幾胎。
Catherine [06:14]: 咁亦都… 呢度亦都牽涉到… 其實頭先我有講第三樣嘢就係 Midwife 啦，助產士啦。咁助產士呢，就係呢兩個之下嘅一個比較… 幾好嘅選擇。因為呢喺呢度呢 Midwife 嗰個 Service 呢都好… 好 Complete 嘅。咁佢哋除咗可以去… 去你屋企陪你生之外，亦都可以喺醫院陪住你生嘅。咁佢哋主要嘅優勢呢就係佢哋個 Service 產前產後呢係提供得好仔細同埋好到位、好貼心嘅。因為講真 OB 同埋 Family Doctor 都比較忙啲㗎，咁佢哋未必會咁得閒喔，即係同你去 Spend 好多時間去。因為你都知道呢度大部分都係順產㗎嘛，咁順產嚟講其實有時都要生好耐㗎嘛，尤其係第一胎，係咪先？
Jacky [07:00]: 係呀，就係囉。因為嗰時就係… 成日都話你順產嘅話，你其實唔係… 唔會知道真係幾點會出世㗎嘛。咁有時就係 OB 都放嗰工囉，或者人家等咗成日喇，咁咪就唔得閒同你生，咁最尾呢就變咗係個 Delivery room 個 Resident Doctor 同你生囉咁樣。
Catherine [07:19]: 無錯喇無錯喇。咁所以… 同埋呢其實 OB 呢其實你就算你 Engage 咗嗰個 OB 呢，真實同你生都未必係佢，因為佢都係… 一 Team 一 Team 咁樣樣，嗰個 Slot 係佢，咁佢咪去做囉，咁下一個 Slot 可能唔係佢嘛。
Bo [07:35]: 明白。喂咁我想問，嗱喺香港呢我有聽過母嬰健康院呢，好似一條龍服務咁嘛。咁如果喺呢度，嗱假設個… 呃… 後生仔或者佢哋未有咁好彩搵到家庭醫生喔，咁佢哋點樣可以… 嗯… 即係享用到或者佢可能有篩選有 OB、Midwife 定 Family Doctor 咁樣樣… 點樣揀呢？
Catherine [07:59]: 嗱首先呢新移民嚟到呢度，我諗一定有 MSP 嘅，咁所以就唔需要擔心話，話要… 用一個好大舊嘅錢去生仔，呢個一定唔會發生嘅。咁呃… 如果未有 Family Doctor 嘅話，咁你其實呢依家呢呢度呢有個選擇呢，我覺得即係… 嗯… 我之前都喺嗰間診所度做，咁就係一個 Midwife Clinic 嚟嘅。咁我之前… 呃可唔可以公開名㗎？可唔可以講名㗎？
Bo/Jacky: 公開個名… 講可以啊，可以。
Catherine [08:26]: 哦 OK，我之前喺 Terra Nova Midwives 度做嘅。咁呃… 喺入邊呢，咁呃… 你只要即係話你已經 Confirm 咗你係有 BB 嘅話，咁你只係需要去填咗張 Form，咁然後呢就排隊，然後就可以有即係 Midwife 去跟你有個產前。咁產後，咁其實佢哋嘅做嗰個 Service 呢就好近似呢我哋香港個健康院嘅。咁基本上呢你生前呢嘅所有仁產檢呢都會係喺個 Midwife Clinic 度去做嘅。咁生完之後呢 BB 呢亦都帶返去啦，咁就度高磅重啊各樣嘢呢都會係喺嗰個 Midwife Center。咁而佢哋嘅 Midwife 呢亦都包咗呢會係上門去 Visit 你嘅，即係生完之後，呃你可以同佢約一個時間，佢可能有… 一至兩次嘅 Service 可以去你屋企睇下你… 餵成點啊，BB 嘅發育啊各樣嘢。
Catherine [09:23]: 咁我之前嗰個 Clinic 呢就直情有埋 Midwife 嘅 Lactation Consultants 嘅，佢可以喺你產後六個星期入邊呢，你係可以 Book 佢呢就上門或者你去個 Clinic 嗰度呢，佢可以教你餵奶嘅。吓。
Bo [09:39]: 哇咁聽落嗰個服務都好好喔。係囉，即係如果萬一可能啊… 呃… 又無四大長老咁樣去幫手啦，跟住又可能唔知道，即係點樣樣… 無乜經驗做爸爸媽媽嘅時候，咁可能其實只要街坊們就搵返佢嗰個… 自己住嘅地方睇下有無一個 Midwife 嘅 Clinic，咁跟住可能就係填 Form，跟住就去呃… 等一個 Midwife Assign 呢，咁就好似成套服務就已經有就唔駛擔心啊要去邊度啊咁樣樣。
Jacky [10:14]: 咦咁其實… 咁我可唔可以揀一個… 即係指定係講中文嘅 Midwife 或者醫生咁樣？
Bo: 係囉，唔知喔。
Catherine [10:21]: 呃… 你可以有 Language Preference 嘅，咁排唔排到、排幾耐就唔知喇。咁當然啦好似我識講廣東話嘅，咁當然有啦，但係亦都 Very Busy 啦。
May [10:31]: 通常要等幾耐啊？
Catherine [10:33]: 都幾耐啊。
May [10:34]: 幾耐？
Catherine [10:35]: 所以越早報越好。
May [10:36]: 喔，唔得，你要有咗先得㗎。
Catherine [10:37]: 唔得，你要有咗先得㗎。
May/Bo: OK OK。
Catherine [10:39]: 有咗即刻要報啦，即係好似你知唔知依家啲 Daycare 一有咗就要即刻報，要報多幾間㗎。
Bo [10:46]: 喔… 哇果然係贏在那個起跑線啊。
May: 係啊係啊。
Bo [10:51]: 係囉。咁啊又想問下 Catherine 啦，其實呢… 呃… 生仔呢，我自己成日都覺得好痛啦，即係一聽… 得到嘅話。咁依家嚟到加拿大會唔會或者嚟住科技有好多進步？我之前有聽過香港有啲咩香薰治療啊… 令到你無咁緊張，話生仔無咁痛。咁喺加拿大有無呢咁嘅玩法㗎？
Catherine [11:15]: 哇，加拿大嘅選擇呢就真係比香港多好多。因為頭先講啦，香港呢就即係好多時呢就一二三就開刀生㗎喇。咁呢度呢個順產嗰個比例係相對高啲嘅，咁所以啲人呢就會諗盡好多方法呢，點樣可以生得易啲、快啲、順啲。咁呢度亦都衍生咗一啲服務呢係香港聽都未聽過。不過未講之前呢我要提一提大家呢，即係一個新移民呢我哋呢平時做 Service 呢發現大家… 好唔為意一樣嘢呢，就係究竟要搵乜嘢人去做服務，同埋究竟你本身 Existing 嘅 Benefit 有啲乜嘢 Coverage。呢啲係好多新移民呢唔識去搵窿路、搵 Resources 嘅。
Catherine [11:57]: 咁呢，其實首先我要講呢就係… 呃… 你呢… 依家首先要搵啲乜嘢人。咁其實 According to 加拿大嘅 Healthcare Act 呢，咁其實有一個清單嘅人呢係定位係一啲 Medical Professional 嚟㗎。咁香港其實有時都聽都未聽過，好似例如我依家嘅 License 啦叫做 Registered Massage Therapist 啦，香港係無呢樣嘢。咁好多人問，喂其實你做緊乜嘢㗎？你係咪幫人揼骨啊？咁我係，我幫人揼骨嘅。不過我揼骨嚟呢… 但係就係揼得係好 Therapeutic 嘅。咁… 咁已經呃… 我係好 Focus 喺 Prenatal and Postpartum 嘅。
Catherine [12:37]: 咁… 呢樣嘢除咗 RMT 係一個呃… 專業啦。物理治療師，物理治療師入邊都仲有好多細分㗎喔。有啲係… 有啲係專科係專係做盆底肌治療嘅。亦都有一啲呢中醫針灸係專做婦科嘅。咁呢啲呢點解要 Mention 呢啲畀你哋聽呢？因為其實呢啲呢都係可以 Claim 到保險嘅。因為好多人呢嘅公司呢，或者佢自己呢就已經買咗 Extended Health Benefit。咁呢多多少少呢每一個 Category 呢都有 Coverage。咁就梗係唔好嘥啦，用盡佢啦。好多人哇… 陀 BB 嗰陣時，骨… 背痛啊、腰骨痛啊各樣嘢，都唔知道原來可以睇 RMT 可以解決呢啲問題，而自己喺度死忍咁樣樣。咁呢啲咪嘥咗囉。
Catherine [13:23]: 咁甚至乎產前或者產後，有你哋有無聽過啲咩產後抑鬱啊或者各樣嘢…
Bo: Bye bye… 係啊。
Catherine [13:30]: 係咪啊？呢啲其實原來保險都包你可以同 Counselor 去傾偈㗎。咁呢啲你哋就要知道啦。咁究竟 RMT 或者是… 盆底肌治療師係點樣樣可以幫到你？我畀個舉例，如果你依家係有 BB。咁呢有 BB 呢就分… 簡單啲嚟講分兩個大嘅階段。一開始嘅時候，第一個 Trimester 同埋第二個 Trimester 啦，BB 係向上升嘅。
Catherine [13:57]: 即係個胎係向上升嘅。咁所以呢… 啲新手媽媽呢，即係基本上呢… 個人呢就成日就嘔… 即係有啲 Lactic acid 啊，即係哽胃啊，啲 Rib cage 啊又… 又頂住又唔舒服啊，咁… 跟住個人又攰攰哋啊各樣嘢。咁呢啲時候呢，你搵按摩治療師呢，就可以幫你將成個人呢調整返去，然後呢減低你嗰啲即係懷孕期嗰啲不適啊各樣嘢咁樣樣。
Catherine [14:28]: 咁去到你中後期喇，個 BB 呢就開始重同埋佢向下墜入盆骨㗎嘛。咁嘅時候呢，咁我哋亦都可以呢幫你鬆盆。咁但係有一樣嘢呢，即係除咗話放鬆之外呢，好多人唔知道嘅呢就係我哋啲專業嘅治療師呢，其實呢係可以幫你呢強化啲肌肉。
Bo [14:48]: 咁咩叫強化肌肉呢？
Catherine [14:50]: 呀，一樣好重要。因為呢樣嘢係會幫你生得順啲、生得快啲、生得易啲。
Bo: 嗯…
Catherine [14:56]: 咁我哋其實喺個治療入邊呢，我哋會係揉… 混合咗一啲動作同埋一啲按摩嘅手法呢，就要你可能喺… 知道你個 BB 去到咩 Stage 嘅時候呢，例如啊依家係落緊盆嘅，入緊個盆骨入邊嘅時候，我哋會叫你做一啲動作呢開… 開盆。咁令到你個 B 呢就落得順啲，咁同埋啲肌肉呢放鬆啲，咁就將個痛楚就減低。
Catherine [15:21]: 咁呢啲呢就是… 梗係要做啦，唔好嘥啦係咪先？同埋訓練啲肌肉呢，等你呢去 Push 嗰陣時呢，Push 得順啲，唔好咁多撕裂。因為其實有無聽過話，哇生仔會撕裂呢樣嘢？
May: 係，聽過。
Bo: 我聽… 別說我只要覺得成日呢話要開唔知幾多度呢，你就諗落… 哇點樣… 點樣樣…
Catherine [15:39]: 嗱我想講先啊，加拿大同香… 香港一個好唔同嘅嘢呢，就係呢你無開到五六指你都唔可以入醫院㗎。
Bo: 五六指！？
May: 好恐怖啊…
Jacky [15:49]: 我… 嗰陣時我… 我太太都畀… 畀喺醫院入咗去趕扯兩次。
Bo: 吓？係啊？
Jacky [15:56]: 係啊，因為佢話要開夠五度，咁…
Bo: 可唔可以講下係點啊？
Jacky [15:56]: 係啊，因為佢話要開夠五度。咁嗱，好得意嘅。第一次生嘅時候呢，咁啱係 Victoria Day Long Weekend。所以呢，可能嗰排就唔係好忙。咁嗰次呢，佢四度幾呢，咁就畀咗入去啦。咁生第二個嘅時候呢，咁真係啦。佢要真係五度先畀入。咁所以呢，我就特登已經搵… 因為我哋去 Women’s Hospital 啦，咁我特登租一個地方住近佢啦。咁但係佢都趕扯咗兩次。
Bo [16:26]: 兩次？
Jacky [16:27]: 即係講兩次先至 Make cut。
Bo [16:30]: 咦即係反而 Stat Holiday 呢，我諗… 我係度諗…
May [16:34]: Plan 定，揀日…
Catherine [16:36]: 唔係㗎，唔係㗎。因為放假反而有時啲… 啲啲 Staff 放晒假呢，你仲衰啊。你唔好諗…
May [16:44]: 搵人幫你做嘢…
Jacky [16:45]: 但係… 咁嗰陣時好搞笑啊。第一次呢，我哋就住咗四五日醫院。
Bo [16:50]: 哦。
Jacky [16:51]: 原因就係因為呢，呃… 放假搵唔到醫生簽佢扯。
Bo [16:55]: 哇… 咁都得？
Jacky [16:56]: 喂，跟住佢就話：『喂，你係咪真係趕住扯呀？不如抖多日先啦？』住到我真係唔想住啊。因為，佢好得意嘅，咁佢個… 嗯… 喺房度啦，都係私家嘅。咁其實… 有私家又唔係私家，同埋你係即係睇彩數嘅。但係剛好私家啦，咁側邊有張蓆我可以瞓喺側邊陪佢啦。咁我已經喺張蓆度瞓咗三晚、四晚。即係瞓到我已經唔想… 唔想再瞓嗰度囉。咁所以最尾夾硬話：『唔得啦我要走啦』咁樣。
Bo [17:28]: 哦。
May [17:28]: 哇咁真係其實… 即係好符合加拿大運之國… 嘅稱號，睇下…
Jacky [17:34]: 生仔都睇運。但係第二次就係因為，即係自然順產好快出咗嚟，咁呢… 第二朝早，即係可能啲 Epidural 都未… 未過晒，咁就：『誒，走啦』咁樣。
Bo [17:44]: 哦，同埋可能因為第二胎已經有第一胎嘅經驗嘛，已經好掌握到知道咁樣樣。
May [17:50]: 無錯無錯。
Bo [17:51]: 哦好。喂咁 Catherine 啊頭先呢，你所講話呢，嗯… 係… 我之前聽話譬如… 好似香港好興呢，依家生仔呀就去做下瑜伽啊嗰啲。咁頭先你所講咩… 呃… 盆底治療啊，呢啲係咪就係類似加強佢嘅肌肉，可唔可以講多小小，即係… 依家係咪同我哋阿媽做生仔個年代個… 輕鬆咗或者多咗好多支援㗎喇？
Catherine [18:17]: 其實呢，生仔你要生得順呢，其實有幾個重點嘅。第一樣嘢呢就是你一定要個人呢，個個心態呢要夠… 正向同埋夠強壯嘅。即係，唔好人哋講… 嚇一嚇你你就頂唔順，咁樣做啲好蠢嘅嘢。咩叫蠢呢？頭先佢有講啲… 連續去咗幾次，跟住畀人彈返轉頭。其實呢，你遲少少去可能就…
Jacky [18:43]: 其實無所謂嘅，即係一定最後都生出嚟㗎啦。
Catherine [18:46]: 係啦。第二樣嘢呢，就是其實呢，越係個人呢越係個 Mobility 越高呢，係越順嘅。要郁動多啲㗎，係咪呀。咁第三樣嘢呢就是產前知識呢，就要做足啊。咁因為呢，好多時啲媽媽未必知道話，喂究竟要點樣樣去準備啊，點樣去… 呃… 究竟要餵人奶啊，定係餵奶粉啊，各樣嘢要買啲乜嘢啊各樣嘢。其實呢度都有好多唔同嘅產前班… 去… 去… 去 Attend 嘅。
Catherine [19:19]: 不過即係話頭先講返就是話… 盆底肌，呢樣嘢呢係香港係極度即係貧乏嘅。因為我曾經呢試過做一個 Research 呢，我要幫一個朋友去去 Check 究竟香港有無啲咩 Pelvic Floor 嘅 Therapist 啊或者係 Treatments 啊。哇我睇完呢，就得嗰三四個。大部分都係加拿大 Train 嘅。咁所以其實呢樣嘢呢係加拿大其實係比較盛行啲，同埋好做得好專嘅。
Catherine [19:42]: 咁因為其實呢，喺我哋盆腔個肌肉… 盆腔裏便有好多唔同嘅肌肉，同埋我哋有一樣嘢就我哋嘅 Hip flexor。咁你要知道個肚大嘅時候呢，盆腔個肌肉呢托住個個個個個個胎嘅時候，個人個 Hip flexor 啊各樣嘢好緊喔。咁嘅時候，你點樣樣去放鬆佢囉，或者係有一啲好弱嘅肌肉，你點樣樣去練強佢呢，令到佢生嘅時候會生得順。因為其實呢，你越想快呢，你就越裂得勁。你越心急呢，你就越生得唔順，你就越容易食全餐。有無聽過咩叫食全餐？
May [20:18]: 未聽過。
Jacky [20:19]: 無啊。
Bo [20:20]: 第一次聽。
Catherine [20:21]: 咩食全餐呢，就是你 Go through 晒成個產程，咁去到最尾，啊，生唔出。跟住已經剪埋啦，剪埋啦，生唔出，跟住要緊急開刀。嗱呢啲叫食全餐。
May [20:34]: 好痛…
Bo [20:35]: 即係最 Worst 嘅情況。
Catherine [20:37]: 係啦。咁大部分即係… 食全餐嘅 Case 呢，都係即係個個準備功夫做得唔足，同埋有啲 Complication 即係媽媽去不斷咁樣樣去去去嘗試去 Push 亦都係用得唔係好啱，咁不斷可能做好多 Medical intervention，令到佢 BB 個個心跳啊，或者媽媽心跳有啲有啲狀況啊，所以就要緊急開刀。
Jacky [21:03]: 咦咁其實一個覺得個文化都好大分別同以前喺香港啊。因為以前成日即係啲老人家話：『誒大肚婆唔好周圍郁啦，唔好周圍行啦』咁樣啦咩。但係其實反宜因為你大肚所以你要做多啲運動，要 Active 啲，咁其實到你生嘅時候呢，就會即係容易啲啦。
Bo [21:24]: 我又好奇想問下呢，有無話即係一般，即係… 其實係幾多個鐘頭之內生到係比較合理㗎？因為我有聽過以前啲同事講呢，哇好似去廁所好快。有啲呢就生極都生唔到又要聞氧氣咁樣。即係係究竟係個人的體質啊，準備功夫做唔… 唔足啊，定係點樣樣㗎？
Catherine [21:49]: 其實人人嘅 Case 都唔同嘅，好難講，同埋你第一胎第二胎，咁都好難講。但係反宜呢，我見到大部分呢生得順嘅 Case 呢，都有幾個共同嘅特點嘅。第一樣嘢呢，就是佢哋呢好識得去利用資源、善用資源，去 Regular 做好多唔同嘅 Treatment。因為頭先我有 Mention 過啦，即係我哋嘅 Extended Health Benefit Cover 到物理治療啊、RMT 啊、呃針灸啊中醫啊。咁佢哋識得呢將呢啲咁樣唔同嘅 Treatment 呢，Combine 咗去。
Catherine [22:20]: 例如一樣嘢可能你哋從來都無聽過，就是叫 Cervical Ripening，宮頸放鬆針灸法。咁呢樣嘢喺加拿大呢就好盛行，但係香港係聽都未聽過。一般呢香港嚟嘅中醫師呢，甚至乎係都唔係好知道要點樣做，同埋無乜信心做嘅。通常都係喺加拿大嘅即係 Train up 嘅中醫師會叻做。咁佢哋係點樣做呢？咁佢哋呢就會喺一啲主要嘅穴位例如喺啲腳眼，即係 Ankle 嗰啲位呢，佢哋會針。咁針嘅時候呢，咁個媽媽嘅 Feedback 呢就係話佢會 Feel 到一個暖流呢喺個宮頸度，喺個下陰度。
Catherine [22:56]: 咁呢，就我哋大約呢，我診所我自己我一般呢就會安排呢我啲 Patient 呢就大概 Week 37 開始，每個星期做一次，就慢慢… 慢慢針軟佢，針到佢鬆咗去，咁呢個係一個好有效嘅方法。咁你如果呢其實你可以問下你嗰啲 Midwife 啊或者 OB，佢哋都會話畀你聽呢個係一個幾 Natural 嘅方法，又唔駛食藥啊話要唔知咩性。
Catherine [23:21]: 咁另外第二樣嘢呢，就是 um… 就是有時呢有啲媽媽呢因為本身個姿勢呢，或者個體型有啲問題呢，咁呢個 BB 呢落得唔順啊，Kick 咗喺度。我之前呢有個 Client 呢佢個人呢乜乜哋嘅。
Bo [23:36]: 哦。
Catherine [23:37]: 乜乜哋嘅。咁個個 BB 個頭呢就 Kick 咗喺佢嘅嘅嘅嘅個 Rib cage 嗰度，咁轉極都轉唔到。咁嘅時候呢，我哋呢就要幫佢呢就斗正個個姿勢，令到個 BB 落盤會落得順啲嘅。咁當然唔係我話我搵隻手去 Tune 佢個胎啦，但係我哋就是亦要同佢做一啲動作啊，做一啲拉身啊各樣嘢呢，咁就可以做。咁好多人就唔知其實呢我哋按摩治療呢，我哋直情呢無論你個胎係幾大，甚至乎你兩胞胎三胞胎，我哋都可以令到有啲專業嘅 Facility 令到個馬… 個媽媽呢可以 Face down，好安全咁樣樣趴喺度，然後呢我哋係成條脊逐節逐節幫佢去調整。
Bo [24:23]: 哇好專業啊係啊。咁但也都好好，因為起碼呢畀即係如果真係新手爸爸媽媽嘅街坊呢，都起碼個心定啲，即係話原來嚟到加拿大嘅，可能無好多 Support 啦，假設屋企老人家專程飛過嚟咁樣樣過嚟幫手湊仔，但可能喺生仔之前呢你都做咗啲可能係身心靈嘅所有一啲嘅調節啦，或者搵相關嘅專業人士去幫呢，咁其實都可以安心啲囉係咪啊？
May [24:54]: 這邊準備衝… 好似仲充足過香港咁樣，感覺上。
Bo [24:56]: 係啊，我諗多元化啲囉。
Jacky [24:58]: 同埋嗰時呢我哋都有一本天書呢，我覺得都好有用嘅。
Bo [25:02]: 好。
Jacky [25:03]: 係啊其實政府出版嘅，叫做 Baby’s Best Chance。
Bo [25:05]: Baby… Best Chance.
Jacky [25:09]: Best Chance, 係啊。咁就係講由即係由大肚啊，到生啊，到之後嘅 Care 呢，一次過都會講晒。
Bo [25:18]: 哦好緊要喔真係。
Jacky [25:19]: 係啊係啊，大家有興趣嘅街坊都得閒 Search 下呢一本天書呢，我諗都對大家有幫助。
Bo [25:28]: 咁我哋呢下一集係咪要探討下呢，究竟生完仔之後要有啲咩調理啦，或者頭先你所講話點樣全面啲，因為生完仔之後呢，我諗相信爸爸媽媽第一次見到個 BB 呢，應該會可能要諗下點抱佢呀，又或者好似要… 係咪成日聽到佢喊啊呢一啲，即係我諗相信都好大壓力㗎喔，係咪啊？我哋下一節探討下好無啊？
Jacky [25:56]: 好啊好啊。
Bo [25:57]: 好啊好，唔該晒 Catherine。
[05:59] 音樂/過場
Bo [26:02]: 喂其實溫哥華街坊會係咩嚟㗎？點解會 Form 㗎？有咩着數啊？
Jacky [26:07]: 係，咁其實溫哥華街坊會呢，都其實個名好似好 Leung 咁，但其實我哋好新嘅機… 一個機構嚟嘅。咁啊都係一年成立啦，咁其實都係旨在連結啲新舊嘅香港人嘅移民囉。咁即係大家…
Bo [26:21]: 兩年成立…
Jacky [26:23]: 唔係，二一年成立。
Bo [26:24]: 二一年 Sorry，對唔住對唔住。我聽到一年成立。
Jacky [26:26]: 我哋我哋第四年㗎啦。
Bo [26:28]: Okay okay okay. 第四年，係，好多活動喔嚟緊。
Jacky [26:33]: 係啊，咁其實我哋都即係各個都係義工啦，咁都有賴各位嘅義工幫手啦。其中一個最新嘅可能就係阿 May 啦。
May [26:42]: 岩岩入咗嚟無耐。
Jacky [26:44]: 係啊，咁其實我哋都有啲恆常嘅活動啦，即係有啲玩嘅，有啲係學下嘢咁都有嘅。咁例如我哋四月份會有一個社區空間啦，咁當然社區空間都係一個地方大家有一個 Topic 咁大家嚟聽下都傾下偈咁樣。
Jacky [27:00]: 咁啊到依家暖返啲啦，咁開始會有啲行山嘅活動啦。因為香港人都鍾意行山。咁我哋都有啲義工呢係即係喺度好 Active 嘅幾廿年，咁所以佢哋就熟路搵唔同嘅路啊帶大家行山，個依個係好 Popular。
Jacky [27:16]: 咁另外呢，因為好多即係香港人移民嚟呢都英文係唔錯嘅，咁但係呢由你寫 Email 轉做傾偈平時 Small talk 啊嗰啲呢，係一個好唔同嘅 Context。咁所以我哋有一個 English Conversation Group。咁就每個月都做一次。
Jacky [27:37]: 咁去其實大家可能去下唔同地方啊，好似上個月我哋係去 North Van 食嘢啊，或者之前一次去溜冰啊咁樣囉。
May [27:46]: 五月係咪仲有個市集可以一齊打麻雀啊？
Jacky [27:48]: 係啊係啊。咁我哋… 唔知大家新年有無即係參加我哋嗰個麻雀大賽，或者聽過啦吓。咁我哋其實都呃… 上年開始呢喺 um… 香港人市集嗰度呢，都有幫佢哋手即係擺檔同大家開檯。咁今年都繼續會嘅，咁希望都到時會見到大家啦。
Bo [28:12]: 我聽聞呢個招募呢，武林高手呢，戰況激烈啊。所以係如果有趣嘅大家就報名啦。
Jacky [28:20]: 係啊，同埋大家想知道，嗱我哋依家 Hard sell 下先，想知道街坊會嘅動向呢 Follow 我哋 IG 同埋 Facebook，咁呢就得㗎啦，同埋聽下我哋嘅節目。
Bo [28:32]: 係啊。