街坊會6月遠足活動 Hiking with VKA June

👇👇👇👇👇

按此購票

🔥【6月溫哥華熱血mode ON！⚽＋🥾】🔥

6月唔止有世界盃可以睇住加拿大國腳 Jonathan David 大show腳法⚽，原來仲有另一個「練腳」機會等緊你——就係同街坊會一齊衝上山！😎

今次帶你挑戰 Squamish 超人氣路線 Sea to Summit Trail，由山腳一路爆汗行到山頂，沿途仲可以睇盡 Howe Sound 無敵海景＋瀑布靚景邊行邊打卡📸。練體能＋睇風景一次過滿足！全程約 7.5km＋918m elevation，真‧練腳骨力。行完仲可以 chill 喺露台飲凍飲睇山景獎勵自己。行完山唔使擔心，我地會直接坐纜車落山。

6月唔好淨係坐喺度睇人踢波啦。一齊出嚟行山，一齊嚟練腳先！

a. 簡介及路線:

🥾位於 Squamish 嘅 Sea To Summit Trail 係一條相當陡峭嘅登山徑，我哋會由 Stawamus Chief Provinical Park 停車場出發，頭呢段路又斜又多人，因為好多人都會行上 The Chief 睇風景。繼續向上行，留意一個有指示牌嘅分叉路口，喺嗰度向右轉，離開 The Chief 嘅路線，繼續跟住 Sea To Summit 行。

呢條路沿途可以欣賞到幾個壯麗嘅 Howe Sound 景觀，同埋Shannon Falls 瀑布上段，絕對唔只係一個體能挑戰咁簡單。呢條路線嘅詳細簡介可以嚟呢度睇。

呢個行山活動最正嘅時刻⋯⋯就係行完山之後坐低喺露台，飲住杯凍飲，一邊欣賞Howe Sound同海岸山脈嘅靚景。

我哋今次淨係行上去，落山我哋會坐纜車，所以記得帶信用卡或者現金，方便搭纜車落山 (自費 - 每人 $20)。

請註意：坐完纜車落山我哋仲需要由 Sea to Sky Gondola 停車場行去 Stawamus Chief Provinical Park 停車場，大概行 12-15 分鐘。

路線參考1, 路線參考2

⌚ 需時：~ 4 - 5 小時行山 同埋 ~ 1 - 2 小時食晏抖下

📏 路線長度：~7.5km (海拔增高度: 918m)

📶 難度：中等 - 困難 (Intermediate / Difficult)

⏏️中途退出點： 我們係坐纜車落山，所以如果中途退出就唔會到達山頂嘅纜車站，同埋要自己沿路落山。

b. 集合詳情及交通:

📅 日期：6月14日（星期日）

⏰ 集合時間：9:30am (逾時不候)

🚩 集合地點：Stawamus Chief Provincial Park 停車場 - Google Map

🚗 泊車：Stawamus Chief Provincial Park 有免費停車場 (map) ，但係要早，如果唔係會冇位

🚕 Carpool：如果需要，我哋可以幫手盡力安排 carpool，但係未能保證一定安排到

💰建議如果carpool，可以夾番油錢同泊車錢⛽💰 (建議每人夾$10-$20 - 可問車主)

c. 費用:

👫🏻 會員 - 免費及可以幫一名非會員免費報名 (亦即係會員可以免費報名兩個人包括會員本人)

👥 非會員 - 每位 $5 (支持街坊會運作。退票需要喺6月12號下午四點前，同時街坊會亦會收取$2手續及行政費用。)

**「溫哥華街坊會」係一個非牟利組織，我哋一班義工旨在連結大溫地區以至卑詩省的新舊香港移民，共組更團結互助的港人移民社群，參加會員可以去呢個綱址：https://vankaifong.com/membership/

d. 注意事項/ 事前準備

• 足夠飲用水 約 2-2.5L
• 一些簡便小食及晏晝 (如Energy Bar 等)
• 自備袋食完小食及晏晝後帶走啲垃圾
• 防曬用品(包括帽，太陽油)，蚊怕水，個人藥物等
• 公園內可能有野生動物例如郊狼(coyote)等出沒。如果帶同小朋友或小狗，請注意不要讓他們走開。
• 如果落雨，請穿防雨(水)衣服和鞋。
• 注意山上比較涼，最好用洋蔥式穿法 (layering) 。
• 山路比較多泥濘及濕滑，如沒有行山經驗，可預備手杖。

⚠️注意事項：視乎天氣而定 - 請在活動日期和時間前 24 小時檢查你的電子郵件，以確認活動沒有因惡劣天氣（如太大風、太大雨）而取消

⚠️ WAIVER: You, the reader, acknowledge that participation in a hiking activity carries with it inherent risks including, but not limited to, the risk of injury. And you, the reader, freely accept and fully assume all such risk(s). It is the responsibility of each participant of a trip to familiarize themselves with the risks of hiking and other such related activities, to weigh those risks against the advantages, and to decide whether or not to participate. Vancouver Kaifong (Neighbourhood) Association executive, organizers, and members cannot and will not assume liability in respect of any of these risks, dangers, hazards and liabilities. Participants further acknowledge that it is their responsibility to ensure that they carry adequate medical, extended health, dental and accident insurance coverage, as well as protection for personal possessions. It is the participants individual responsibility to verify that they are in good health and are physically capable of carrying out the hiking activity or any activity organized by Vancouver Kaifong (Neighbourhood) Association. Therefore, in consideration of being allowed to participate, individuals release Vancouver Kaifong (Neighbourhood) Association, and its organizers, executive, webmasters, email senders and members from all liability in respect of any personal injury suffered, any damage or loss of personal property, which my arise out of participation in a hiking activity.