Note: This transcript is AI-generated and may contain errors.
註：本逐字稿由 AI 生成，可能會有錯誤。
各位街坊你哋好啊，我哋係街坊匯。我係主持人阿Bo。
我哋今日再好高興邀請到Catherine，佢係一個好資深嘅Registered Massage Therapist啦，佢做好多不同名銜嘅，我哋不如等佢去分享吓啦。
大家好啊，我係Catherine Chow。上一集講過啦，我都係一個新移民嚟嘅，我本身有兩個小朋友啦，總共餵咗四年人奶。咁所以除咗我係Registered Massage Therapist註冊按摩治療師之外，我亦都係註冊嘅母乳顧問Registered Lactation Consultant同埋Doula。咁可能大家未知咩叫Doula，就係陪產士，陪你去生仔嘅。上集我哋講過好多準備工夫啦，咁你哋有無啲咩想再問我㗎？
咦，我諗我哋都可以問吓，即係新移民仲有啲咩關於生BB啊、啲福利係大家唔知嘅呢？
那上集我有講過啦，就係你哋就真係要睇清楚自己個Extended Health Benefit同埋你哋Healthcare Spending Account裏面有啲咩Coverage，咁呢就盡量善用佢。就係懷孕期啦，或者係備孕嘅過程裏面呢，其實都可以幫手去紓緩同埋去做好多訓練啊、準備工作個喎。甚至乎去令到你補身啊、各樣嘢都可以做到嘅。咁有啲嘢我今日想同你哋講嘅，可能都未必好知道，因為香港都未必聽過。咁就係其實如果你哋去到托BB啦，即係除咗你之前懷孕期有做Pregnancy Massage，咁或者有做運動咁樣樣，去到大概37周打後度啦，咁我哋加拿大呢就有個Campaign，即係政府有個Campaign叫做More Milk Sooner嘅一個Campaign嘅。咁其實佢就建議我哋呢啲孕產婦呢，其實就可以早啲刺激定啲初乳上嚟咁樣樣。咁就搵專業人士教你點樣樣去刺激個乳房啦、按摩個乳房啦，然後呢就去將啲初乳收集喺一啲針筒裏面咁樣樣嘅。咁但係呢啲呢就唔係話你自己就咁捽啊、或者就咁自己擠啊咁就得嘅，咁其實最好呢你就係要預早去Booking啦，同埋Check定究竟你Book唔Book到政府嘅LC啦。如果Book唔到嘅話，你可唔可以搵到我，例如我呢啲咁樣樣License嘅Therapist呢，咁就可以幫你安排去教定你去點樣去收集初乳。咁呢啲情況呢，即係例如啦，你依家可能你係年紀比較大啲啦，可能知道要開刀生嘅，又或者可能有三高嘅、高血壓、高糖尿、高膽固醇嘅，又或者可能知道自己可能有甲亢啊、或者係糖尿、妊娠糖尿呢啲咁樣樣嘅Complication嘅時候，或者係雙胞胎嘅時候，知道佢可能因為呢啲Complication令到你嘅奶上得慢嘅時候，咁就要做啲準備。咁加拿大政府都係好建議你哋係去搵專業人士去教你去點樣去做。咁你集定咗個初乳，咁你可以雪定喺個雪櫃度，咁等BB出世之後呢，就有貨可以即刻畀到BB啦。
同埋可能要即係一知道有咗就同Family Doctor講，因為我知道政府有啲Program係Referral，唔係我自己打個電話走上門就可以去申請嘅咁樣樣。
咁但係又咁講話，RMT或者物理治療師啊、或者針灸師嘅服務係唔需要家庭醫生轉介嘅，你哋可以直接搵我哋咁樣樣。咁我哋亦都可以幫你直接喺你嘅保險個Extended Health Benefit去幫你Direct Claim，咁你可能只需要係畀返個差價我哋就得㗎啦。
明白。咁啊似乎呢好似當一個細路仔即係郁BB落到嚟生咗之後呢，都好多嘢要考慮或者要準備喎係咪呀？可唔可以Jacky你都有些經驗分享吓，即係當初第一個BB出世咗之後，你都遇到啲好Kick手嘅嘢喎？
Kick手嘅就唔係話好多，不過呢我覺得到生第一個呢就係好緊張嘅。因為你真係一個生命，咁所以其實即係，不過我諗一個事後睇啦，其實無一個人係真係完全Ready，咁但係到時其實就就都OK嘅。咁當然啦就講返生BB啦，咁例如呢就一出世啦，第一個仔啦，咁因為喺醫院嗰度呢，頭即係出院之前都會做一啲嘅Test啊咁樣嘅。咁例如有一個好得意嘅就係，佢要做一個聽力測驗，出院之前，咁佢Fail咗個聽力測驗喔。當時嚇死，個BB Fail咗喔。即刻出世就Fail咗，因為聽唔到嘢定係點。咁我個心嚇到我喊喔，真係喊，因為我諗即係點算啊咁。咁原來好得意，原來點解佢聽唔到嘢呢，係因為佢原來喺即係出世之前呢，佢已經飲咗啲媽咪嘅羊水，咁所以呢就喺度塞住咗。咁之後呢三個月度再去再做多次Test咁就無嘢。
OK，咁除咗做呢個聽力仲有無啲乜嘢要做？以前聽聞就係話第一下要聽佢係咪喊㗎嘛，呢度係咪都係咁㗎？
咁有磅重嗰啲一定有啦。咁另一樣嘢都有嘅，咁其實都要善用喺醫院嘅時間嘅。因為仲喺醫院嘅時候呢，你就乜都好近呢，咁就有即係醫生啊、護士啊可以Refer你去唔同嘅地方。例如嗰時我太太都有去睇Lactation Consultant，咁因為係喺醫院嗰時Refer佢去咁樣，咁我以為去兩個禮拜咁樣，咁就同埋都唔使畀錢囉，MSP Cover。
咁另一樣嘢呢就係，好多時就係喺香港啊或者啲老一輩就話：『咦，生完仔呢要坐月啊、唔出得街啊』咁樣，呢樣係Impossible，你無可能唔出街。因為出世個BB呢，可能你要帶佢去返你個OB或者Family Doctor啊，或者Midwife嗰度睇，咁你一定要出街啦。咁好多嘢一樣嗰樣，例如睇LC啊咁樣都係出街啦，咁所以無可能唔出街。
哦，即係即係BB仔呢即係一出咗世之後呢，其實即係就唔係我哋好似之前講有有咩坐月啊、盛啊、話食薑醋啊咁。
都都有嘅，都有食薑醋、補薑醋，我哋都有做嘅，咁都有啲屋企人啊、有啲朋友啊幫手啊咁樣囉。咁初時BB仔都好多Appointment㗎係咪呀？係呀，好忙啊，其實頭一個月好快又去咗㗎啦。咁所以其實都都有一樣嘢同香港好大分別嘅呢就係，喺加拿大呢我哋係有12至18個月嘅產假，咁我諗即係如果大家有啲媽媽或者父母係因為驚即係點樣湊啊、有擔憂呢，咁可以呢個都可以唔需要太擔心嘅。
係啊，阿May我聽完Catherine同埋Jacky所講呢，好似比香港呢就淡定，因為香港我聽得生個細路仔你有無四百萬，如果無呢個門檻你都唔使旨意諗。但係呢度呢又可能Extended Health Benefit又有包啦，跟住可能你真係喺醫院裏面有有一啲情況，又會得到一啲免費嘅Referral嘅服務，咁好似都安心啲。
有一樣嘢好大分別，即係個Culture呢，就係大家成日都講香港有四大長老咁樣。咁但係其實喺度Assume你係兩個父母照顧個細路仔，係唔會有其他人幫你手。咁所以好多嘅Support都係Around即係Support父母咁樣囉。我唔知Catherine你覺唔覺係咁樣？
其實你講得好啱㗎，就係香港同加拿大呢，個第一樣嘢個Fundamental呢，就係個Maternity Leave呢，前四後六同埋18、12到18個月嘅Maternity Leave已經係好大分別。第二樣嘢就係四大長老或者工人，呢度係乜都無嘅，要靠自己嘅。咁所以其實好多時呢啲新手媽媽呢，來到即係佢哋好多時就係一面嚟搵我按摩，就一面呢就當我係一個產前班咁，一面按嗰時佢就問好多問題去問我。咁一啲好常見嘅問題呢，我都會好好提成佢哋嘅，就係例如你你個BB一出世呢，其實你即刻要將佢加返落去你同你老公嘅Extended Health Benefit。呢樣嘢非常之緊要，因為你個BB都Entitled去見啲Therapist㗎嘛，可以做按摩啊、可以做治療啊、可以盛㗎嘛，咁個Expense可以Cover埋佢㗎嘛。咁所以呢樣嘢就大家一定要要知道。咁同埋呢其實我哋香港呢，即係你哋應該聽過咩通乳啊、催乳啊嗰啲咁樣樣㗎嘛，咁香港要自費㗎嘛。其實你如果你有有Extended Health Benefit，其實你嚟睇我都可以即係Cover咗好多嘅。咁我都可以，即係如果你塞咗奶啊、通乳啊或者催乳其實我都可以幫你做。不過即係我我我係可以係Talk搵你嘅Extended Health Benefit去幫手去攤分啊各樣嘢。咁呢啲真係一定要知道囉，唔好即係唔好嘥咗囉。咁另外呢，就係因為呢度無長老同埋工人姐姐，咁所以呢照顧起上嚟呢，其實真係要同香港個方法係完全唔同㗎。你唔好諗住話：『哇，泵咗出嚟畀個工人餵奶樽，泵咗出嚟諗住可以睇到BB食到幾多』，呢啲咁樣樣嘅心態呢，你越係用呢啲方法呢去做呢，你喺呢度呢就越難行嘅。最緊要係乜嘢呢？一定一個字：Be Lazy。你個Life就會Be Easy。越Lazy呢，你個Journey呢就會越Easy。
Yes。點解呢？因為呢度乜人都無幫手啊。所以呢，要將個重心點呢由以前喺香港擺晒落個BB度，唔係，呢度個重心點要擺返落去個媽媽度。個媽媽一定要用最方便、快靚正簡易嘅方法去照顧到呢個BB，咁佢先可以維持到啊。因為無人呢可以咁Handle到呢，又泵又洗又餵，跟住又要掃風，跟住又不斷輪迴唔使瞓覺咩。
係呀。我自己覺得呢，有一樣嘢我好記得嘅呢，就係即係護士啊、產前班啊都成日都話，如果你覺得好Overwhelmed，如果你情緒好激動，你可以擺低個BB，你可以唔理佢一陣嘅，其實It's OK，佢唔會死。咁我諗呢個都係一個好大嘅即係一個Relief囉。因為我諗好多時新手爸媽都覺得哇，咁脆弱嘅生命，即係得我哋兩個喺度照顧。或者甚至可能大家新移民，可能爸爸根本都繼續要搵食唔可以放假，咁點算呢咁。咁呢樣都好緊要囉，即係情緒方面要要即係你要大家都健康，即係BB仔都健康成長，你自己都要處理返自己個心情。
係啊，阿May我都聽過，因為其實即係兩位嘉賓分享，都作為新手爸媽好多時即係手停口停啦，有啲又或者係呢尤其是喺餵母乳方面呢，因為你想將最好嘅畀BB㗎嘛。咁有時你個份量啊、又或者係困唔困難啊，好多因素呢令到佢哋無形中其實好好大壓力囉咁樣樣。咁都都容易理解嘅，尤其係即係你進入咗人生另一個階段啊嘛咁樣樣。咁我又想問吓兩位挪手爸媽啦，咁啊其實當初知道即係即係見到BB落嚟世界嗰一下有咩感覺啦？咁又或者之後即係起碼譬如你話就算12至18個月好啦，你Maternity Leave即係可以令你不忘記工作先，將工作暫時擺低一邊。咁但係有無啲咩困難或者挑戰係可以同大家分享吓㗎？
呃，我覺得第一個可能要即係要認清個個困難呢就係，盡量順，即Natural咁去生BB。你唔好諗住聞多啲笑氣，打Epidural、止痛，你會好。其實呢，盡量越少嘅Intervention呢，你個生個過程順呢，咁你之後條路就會越易行。你越多呢啲咁樣複雜嘅嘢呢，你就越難行。點解呢？因為呢其實一個初生嬰兒呢，一出世呢，佢呢係會好清醒嘅。佢有三個鐘頭好清醒嘅階段。呢個三個鐘頭係一個黃金機會呢，你畀佢呢埋身去去去Imprint、吸吮，喺你個乳暈上面打訊號，即係Latch on，咁跟住呢你啲Signal就會上到你個腦，令到你快啲上奶。如果你過咗呢三個鐘頭嘅黃金機會之後呢，BB呢就會進入一個深睡期。咁呢佢成個禮拜，係講緊一個禮拜，BB就好似一即係好似即係懵仔咁樣樣，你叫極都唔醒㗎。真係你叫極都唔醒㗎。咁所以呢好多媽媽呢就因為可能係生完之後無晒力啊，或者係開刀生啊、緊急開刀啊各樣嘢，就Miss咗個頭嗰幾個鐘。之後呢BB就成個懵仔咁，之後呢就唔識餵奶，跟住自己呢就見到BB個體重不斷跌嘅時候，又黃疸又各樣嘢嘅時候，就開始補奶粉。補奶粉之後奶水就上唔到，咁呢個就係第一個我覺得係好常見嘅挑戰嚟嘅。咁所以好好地善用我哋MSP嘅Coverage。依家MSP係Cover產後頭六星期嘅Lactation Consultants嘅Support by Midwife嘅。咁唔好錯過呢個六星期，因為免費。咁六星期之後呢，如果你個問題呢解決仍然都解決唔到呢，咁你就可能要自費或者去搵一啲即係有其他Benefit嘅嘅嘅嘅人，例如好似我咁樣樣，咁去幫到手。咁所以大家一定要即係抓緊機會。
係啊。同埋我覺得一開始出世嘅時候呢係好無成功感嘅。因為呢因為我覺得BB仔最Neutral，即係最好嘅情況呢，就係佢唔喊。係啦，佢係唔會識笑嘅。咁但係成日就係啊佢成日就喊喊喊喊喊喊喊，呀仔都喊喊喊喊喊喊。咁我覺得其實頭三個月都係咁樣嘅。咁所以我覺得有時我覺得香港話前四後六，得六個禮拜呢，我覺得都真係好Defeating。因為話即係到你真係要返工嘅時候，個BB仲食個飯咁樣就成日都喊喊喊喊喊。咁但係呢你去到你撐過嗰三個月呢，咁佢就開始有反應啦。即係佢開始會笑啊、開始同呢個世界Interact啊、啲手手腳腳會開始郁啊、會Explore吓自己啲手腳係點樣啊咁樣，你就覺得開始即係有少少成功感啦，開始喂即係好似都捱到岸啦咁樣。
咁其實佢哋係咁喊係因為即係對個環境好陌生啊定係點樣，養兒你觀察即係？
那其實呢，BB呢一出世呢，頭幾個月呢其實係唔係都喊。咁但係喊裏面呢，點樣去分辨呢，佢喊係有咩目的呢？呢個係我哋叫做Demand Cue。其實係好緊要，所有新手父母都一定要學清楚。咁我哋一般呢我哋會去教啲新手爸媽，從佢嘅喊聲去分辨究竟佢幾時要食嘢、幾時要瞓覺、幾時係肚風、幾時係唔聚財、幾時係要做一啲乜嘢嘅配合措施。因為你諗吓如果佢明明佢喊嘅時候，佢話畀你聽佢要食，你就當佢係瞓覺你就塞佢瞓覺；佢如果你要話畀你聽佢要瞓覺嘅時候，你就當佢要食就塞支奶畀佢，咁你成個Loop呢就會亂晒。咁呢度除咗你講話產期，即係產假及不同之外呢，其實即係因為我哋有咁長嘅產假呢，其實我哋好多嘢我哋係唔需要做嘅。例如啲乜嘢呢，香港好Common嘅Practice就係前四後六嗰時候，泵奶泵泵泵泵到個雪櫃滿晒，儲定晒貨。其實如果我哋仍然用呢個心態擺落呢度呢，其實你好慘嘅。哇大度咁多冰奶好難搞㗎嘛，係咪先？咁點解唔埋身搞掂呢咁樣樣。咁同埋呢，BB頭先你有講過啦，話BB啲手手腳腳即係要慢慢去Develop啊各樣嘢。咁既然我哋Extended Health Benefit BB都有Cover㗎嘛，點解唔可以用盡呢啲Cover帶BB同專業人士去做運動，去做Body Work？呢啲香港係唔知嘅，唔覺得BB可以有呢啲咁樣Benefit嘅，咁但其實呢度係可以嘅。即係除咗聽力嘅測試之外呢，其實其他啲訓練我哋都可以幫佢哋做嘅。
好，咁Catherine你自己當初做人媽媽呢，有無遇到啲即係，即係當然你依家好專業知識啦，咁但當初都有無啲蝦碌嘢同觀眾街坊分享啊，即係定係個個都好似你咁氣定神閒好Ready咁樣㗎呢？
那我想多，我我我兩個小朋友已經好大㗎啦。咁我個當年呢我就餵咗四年人奶，咁每個呢就餵咗兩年。咁喺個餵個四年旅旅程呢，其實我就未係專業人士嘅。嗰陣時就純粹一個熱血嘅媽媽，覺得『嗯，我要畀到最好嘅我BB』，咁所以打到個雪櫃滿晒，咁又日泵夜泵，所以喺個過程度呢，乜嘢辛酸苦辣呢都都經歷過。而呢度我，所以呢就直情喺香港呢就出埋書啊、做好多不同嘅講座啊各樣嘢。咁來到呢度呢就發覺，我好清楚香港人嘅心態，來到呢度要點樣樣去融合、點樣樣去Tune Down，點樣樣去放輕自己，將個重心由BB擺返落去自己。你要愛自己，你要舒服、要開心、要Relax，你啲奶先出嚟㗎。你越係望住個樽快啲啊泵泵泵，越唔出奶㗎。你越係死捽佢呢，就越痛呢就越越越唔出奶。你越係忍啊，明明個BB喺度食奶，你覺得好痛啊你喺度死忍呢，啲奶係唔出㗎。BB仲會咬多你幾嘢添。咁所以你一定要愛自己嘅時候，就係『喂我點樣樣可以舒舒服服服，下佢佢餵奶嘅時候我可以瞓覺，點樣樣可以呢最少嘅家務可以做到，唔使洗奶樽、唔使洗奶泵，點樣樣可以慳水慳力，點樣樣可以慳到最多錢』。那呢你哋知唔知道依家一罐奶粉幾錢？
都不平啊，係咯，以前有聽話奶粉啊乜嘢，香港一定幾百蚊二三百啦，獎咩金裝啊成，即係Formula越越高檔次就越貴啦應該。
那如果依家個新新生嬰兒呢，其實一個禮拜差唔多一罐二一罐奶粉㗎，幾十蚊㗎，六七十蚊㗎。
係啊，咁你諗下六七十蚊你乘四罐，咁即係其實都好襟㗎吓。仲有就係你飲即係奶粉嘅時候，其實相應嘅Medical Conditions呢又會Complicate多啲嘅，例如肚痛啊、各樣嘢又好麻煩啊，便便又唔通啊、屙唔到啊嗰啲咁樣，睇醫生嘅費都唔即係都都好麻煩㗎。咁所以其實餵人奶其實Somehow喺呢度真係可以幫你慳到錢㗎。係，同埋你有保險嘅情況吓，咁如果你你都知道呢度好多保險都，即係呢度好多公司都有個Service都Cover得幾Extensive㗎嘛。咁其實佢每個星期或者每個月嚟兩次通吓乳啊、按吓摩啊，個人放鬆啲啊、啲奶水順啲啊，其實可能仲平過罐奶粉㗎。
係啊，阿May都講得好好啊。因為呢頭先我聽嘉賓即係佢哋分享呢，就係其實即係作為新手爸媽，可能佢哋個壓力呢個來源唔好再Focus咁多喺自己做得點樣樣，而係可能好似Jacky所講，啊容讓自己可能會有啲出錯嘅機，可能係正常㗎嘛。咁亦都可能係接納可能頭嗰三個月啊或者是四個月啊，左右係唔係好知要摸索同一個BB佢未識講嘢，點去溝通啦，點樣Read佢哋啲Mind啊、啲Cues啊咁樣樣。咁啊我又想問吓啦，即係喺男士角度啦，因為即係點解今日都邀請咗兩邊嘅嚟分享呢，因為都想知道雖然生仔係由女士去生啫，咁但係喺男士角度嚟講，即係可能當初點樣可以幫提供情緒價值畀太太啊？因為都知道即係我諗有身體好多身體不適，有作嘔作悶啊、又荷爾蒙失調啊，咁樣好辛苦。爸爸點樣去幫助太太嗰陣時？
執生囉，自己識做人，即係好難講喔，個個都唔同。因為因為我都認識即係又或者係我太太啊或者其他同事啊，有啲人就好即係頭三個月好多好多Morning Sickness，成日都嘔嘅。吓，有啲就係無事嘅咁。咁我諗就係做個Support喺側邊囉，啊唔好成日加把嘴囉。係啊，因為我諗我諗男士呢都好習慣係Problem Solve嘅。即係可能係太太話：『哦我唔舒服點啊』，咁你就諗個方法去解決嘅方法。其實鬼唔知咩，係咪呀？
喂咁你有無試吓即係，那例如係如果又作嘔作悶，即係之前聽就話啊去去西瓜買個B仔涼粉咁樣啊解毒，咁喺呢度你有無有無做過啲咩話聽過啲咩係可以係解決到佢身體上面嘅不適㗎？或者太太有無啲咩特別要求話一定要食到乜嘢好刁鑽嘅嘢咁樣？
有無啊？咁好好喔，好彩試過搵個第個麻煩啲嘅先。係啊，咁但即係畀畀多啲時間大家囉，畀多啲Grace大家囉我覺得。
好，加拿大都幾好，因為呢男士都有可以個即係產假啦，就唔係好似香港得好短得幾日咁樣樣。咁呢度亦都無話一定係男主外女主內啊，都有可能全職做爸爸啊，咁所以我覺得即係喺加拿大裏面其實個彈性都好大啊，對於個家庭分工啊。
阿Bo啊，你好似即係有啲街坊問過你問題想問㗎係咪呀？
係啊係啊，咁呢就是有街坊問到呢，就是佢擔心生完仔之後呢，行房經驗無咁理想，擔心鬆弛嘅問題，咁啊想睇吓喺專業嘅角度點樣睇啦。
那其實呢，生BB懷孕期同埋產後呢，我哋荷爾蒙嘅改變呢係好明顯嘅。咁生完BB之後，我哋身體嘅Estrogens即係女性荷爾蒙同埋黃體酮素Progesterone呢就會跌。咁與其喺個過程呢，我哋嘅Prolactin泌乳素啦同埋個Oxytocin就會升。咁呢喺呢個咁樣樣嘅改變嘅時候呢，咁我哋嗰個陰道嘅分泌物呢係即係天即係我哋係係會改變，咁所以呢係好乾啊、或者唔舒服啊或者各樣嘢呢，甚至乎佢可能生嘅過程有不同程度嘅Tear呢，咁呢就是會令到呢係即係行房嘅經驗係唔順嘅，咁呢啲係好常見。咁呢個亦都係為甚麼我頭先一開始就講就話越冷靜、越少Medical Intervention、越順生得順，你往後條路就會越行得好。因為你你餵奶餵得好嘅時候呢，咁呢你個子宮呢會收縮得順，正常。因為餵人奶呢係一個最天然嘅子宮收縮方法，佢會慢慢咁收縮好。咁佢縮得好嘅時候呢，佢行房嘅感覺會好好多。咁亦另外一樣嘢呢，就係亦都會比較少往後Complication。但我哋都見到好多媽媽呢，無論開刀又好自然生又好啦，佢哋都可能有不同程度嘅問題，除咗行房痛之外啦，Hold唔住啲尿尿，覺得成日都好急尿或者忍唔到尿，咁呢個好常見㗎。同埋就係話下體會痛啊。咁呢啲可能就係你嘅盆底肌有啲狀況。咁你亦都可以先搵咗我哋按摩治療師去睇返究竟個問題係你本身嗰個肌肉，或者嗰個Joint、骨架或者各樣嘢啲Posture有問題引致啲重坐啊，定係話盆底肌有問題然後做返相關嘅轉介。因為好多時呢生嘅過程呢成個Pelvis呢個個盆骨啊，撇咗。咁盆骨撇咗呢，我哋好多時要幫佢扭返正佢，咁等同埋將啲緊嘅肌肉鬆咗時候，同埋強化返弱嘅肌肉，咁呢啲情況呢就要搵返專業人士去去睇返點解會係咁樣樣。咁然後再轉介返去盆底肌治療師，咁就佢哋呢就會做得好多層面嘅啦。咁如果你話係性交痛嘅時候，咁佢哋會睇返究竟你係因為肌，即係盆底肌嘅問題啦，定係話本身個傷口未癒合得好、啲Scarring有問題各樣嘢而衍生到嘅呢。另外一樣嘢呢我亦都想提一提呢，就係香港比較流行、來到呢度亦都好流行嘅，就係紮肚。咁紮肚呢樣嘢呢係要好小心去執行嘅。因為呢幾時紮啦，同埋你係係順產同埋自然生，紮嘅時間都唔同，或者各樣嘢。同埋紮個方法都唔同嘅時候呢，其實佢會令到呢你個身體個Core呢係有啲狀況嘅。咁呢樣嘢同行房痛呢可能有關係㗎。因為嗰個子宮呢係可能會有唔同嘅壓力下垂咗。下垂咗之後呢，可能會摩擦到嗰個嗰個子宮嗰個口啊，咁呢個呢係都大家要留意㗎。
但係咪全部都可以及早預防定訓練定啲肌肉就減少呢啲咁嘅狀況？最重要都係呢啲。
係啦係啦係啦，同埋要搵返專業人士去去去去評估囉究竟你個問題係邊度囉。因為睇實在太多好多媽媽呢，尤其係香港嚟嘅呢就好心急啊，咁就要一二三月做晒所有嘢，咁但有時就可能就過咗火。
係啊，我哋今日都真係學到好多嘢。想請兩位呢會唔會有一個最後嘅錦囊畀我哋嘅觀眾、我哋嘅街坊聽一聽，呢個生仔嘅錦囊畀佢哋呢？
係啦，三個『早』。早準備、早接觸、早上奶、就早甩身。
呃，咁我覺得就順其自然囉，唔好畀咁多壓力自己囉。放鬆。係啊，因為係啊啲BB好叻嘅其實。你只要唔好跌佢落哋得㗎啦。
好，咁啊今日都學到好多嘢，同埋我亦都係頭第一集第二集嘅街坊會啦。咁啊黎緊呢希望大家逢禮拜一嘅10點半呢就準時留意我哋，一齊學下嘢，一齊聽下大家街坊嘅分享。Thank you。
咦，即係阿May啊，你就係好新嘅街坊啦，咁我想知其實你點樣知道街坊會㗎？
係啦，咁大家呢就睇下我哋IG同Facebook呢，就睇下我哋黎緊嘅活動。咁我哋好似都好多黎緊嘅活動。
無錯啊，每個月有恆常嘅社區空間啦，同埋亦都有為香港人呢係咪訓練佢哋，因為唔識Small Talk啊嘛，識得可能打啲英文比較多，咁我哋都有個English Conversation Group咁樣嘅。
係啊，同埋呢如果想支持我哋呢，大家都可以參加成為一個會員嘅，因為呢我哋都有好多嘅優惠畀返大家嘅。
好多著數，全部可以喺IG、Facebook度見到嘅。
好，咁我哋上個月呢都做咗一個搵工、復工嘅一個活動，咁就請咗好多Mentor嚟講啦。咁我哋承接咗呢個其實我哋4月10號呢都有一個招聘會攻略工作坊，咁就可以教你點樣自我介紹啊、即係Elevator Talk啊，或者點樣同Network啊嗰啲嘢。
