Note: This transcript is AI-generated and may contain errors.
註：本逐字稿由 AI 生成，可能會有錯誤。
歡迎嚟到街坊匯啊，佢係溫哥華街坊匯成One Night Talk嘅一個Crossover嘅節目，每個星期一都會喺10點半準時上架嘅。咁我哋今集就好開心啊，因為第一次請到一位講生仔，我哋就係新手爸媽。
我哋今日好開心請到Catherine啊，不如我哋請嘉賓Catherine自己介紹下。
大家好啊，我係Catherine啦，咁其實我都係香港移民過嚟嘅，咁我2019年就嚟咗呢度，咁其實我都算係新移民。不過呢，喺呢幾年時間呢我就做咗好多嘢。咁其實呢我有幾個牌照嘅，咁我係註冊按摩治療師RMT啦，Registered Massage Therapist啦；我亦都係Registered Lactation Consultant，註冊嘅國際認證母乳顧問；同埋我亦都係Doula，即係陪產士，即係陪你入醫院，陪住你生仔，三個角色嘅。咁我而家喺溫哥華Downtown同埋列治文醫院附近都有兩個Location嘅，咁Private Practice。
係啊好犀利啊，同埋呢，即係一講生仔呢好多時都係好束手無策好驚㗎嘛。咁啊Catherine啊想問下啦，以我哋呢嘅好迷思嘅認知呢就知道可能多數係順產或者開刀啦，咁究竟喺加拿大呢有冇其他嘅流程或者方法可以幫助到啲媽媽去生仔㗎？
咁其實喺加拿大呢生仔嘅選擇呢就比香港多好多嘅。咁一般人呢嚟到呢，即係作為一個新移民呢，咁我哋就要一個好開放嘅心態去了解，究竟加拿大呢係點。因為香港呢，其實呢C-section，即係開刀產嘅比例係好高嘅，咁喺加拿大相對低啲。咁如果一般呢，除咗話開刀生或者順產之外呢，其實呢你生嘅Location唔一定係醫院㗎，你可以係揀屋企生㗎。咁以陪你生仔嘅人呢都有唔同嘅選擇嘅，咁所以呢係個選擇性係好多嘅吓。
有聽過，喺水入邊生都有㗎嘛，呢度係咪都有呢一種即係？
通常呢，要睇下你個屋企個浴缸嗰個清潔程度啦，同埋嗰個周遭嘅環境啦。咁我一般呢就會建議呢去租一個專用嘅浮池，咁充氣嘅，咁就Sanitize咗，咁就租咗返嚟擺喺你屋企，咁就注滿相關嘅乾淨嘅水囉，側邊鋪晒啲Linen啊各樣嘢呢，咁就可以喺屋企準備生嘅。
哇好Creative喎未聽過，我之前淨係聽過好似TVB有個女明星就喺屋企生，咁但係呢比如作為新移民啦，到步或者可能都攞咗PR可以都想進入人生另一個階段啊，咁嗰個生仔個費用會唔會好貴啊？
咁好似如果你已經係有MSP，即係嚟到有MSP嘅話，其實生仔就唔使點樣樣俾錢㗎啫，好少㗎啫。咁同埋呢呢度呢亦都同香港好唔同嘅，順產呢基本上呢即係一兩日呢已經係要出院㗎啦，開刀都係兩日度都係出院㗎啦。
因為唔係，最主要因為佢無嘢囉，即係無乜，即係生完健健康康，細路仔健健康康，咁就走得，趕扯。
OK，喂咁可唔可以Let's say我想天開啲，喺個Resort生仔得唔得啊？
咁到時，我哋即係Midwife啊、Doula啊成Team咁樣陪你喺Resort度生。
因為Midwife呢，咁佢哋嘅Service MSP係包嘅。
即係講返我以前啦，因為其實我兩個細路仔都喺加拿大出世嘅。咁好多人就會揀搵個OB啦，咁其實我哋就搵咗個Family Doctor嘅。咁嗰陣時個Rationale呢就係因為OB呢，生嘅時候呢就未必會嚟得到簽紙或者同你幫你生嘅，因為佢可能忙。咁但係Family Doctor呢就輪更嘅，咁所以呢一個嚟唔到就下一個嚟，咁都係有經驗嘅人。咁我又聽到話其實即係你可以揀OB又可以揀Family Doctor，咁其實即係Midwife其實都係其中一個選擇？
沒錯沒錯。咁其實你講得好啱嘅，咁其實簡單啲黎講呢度係有三個選擇嘅。咁第一頭先你有講過啦，Family Doctor啦，咁唔係個個Family Doctor都可以做到嘅，咁呢啲Family Doctor呢佢哋係有相關嘅即係產科嘅訓練嘅，咁就亦都係喺佢哋嗰個Scope入邊呢，佢個License嘅Scope入邊係有定明佢哋係可以做到呢樣嘢。但係佢哋一般呢就個Service呢同OB係會有少少分別嘅，亦都係會睇返個媽媽個Complication係點樣樣。即係我比個舉例就係如果媽媽係35歲或以上嘅，咁可能就未必會係Family Doctor去Handle㗎啦，咁就可能係OB Handle。又或者係你係懷雙胞胎嘅，咁亦都可能係OB去Handle，因為Mostly可能雙胞胎啊或者三胞胎都係開刀生嘅，咁呢個好視乎你個Complication嘅年紀，同埋你過往嘅History你究竟係第幾胎。咁亦都呢度亦都牽涉到頭先我都有講第三樣嘢就係Midwife啦，助產士啦。咁助產士呢就是呢兩個之下嘅一個比較幾好嘅選擇。因為呢喺呢度呢Midwife嗰個Service呢都好Complete嘅，咁佢哋除咗可以去你屋企陪你生之外，亦都可以喺醫院陪住你生嘅。咁佢哋主要嘅優勢呢就是佢哋個Service產前產後呢係提供得好仔細同埋好到位好貼心嘅。因為講真OB同埋Family Doctor都比較忙啲㗎，咁佢哋未必會咁得閒喔即係同你去Spend好多時間去。因為你都知道呢度大部分都係順產㗎嘛，咁順產嚟講其實有時都要生好耐㗎嘛尤其是第一胎係咪先？
係啊，就係囉，因為嗰陣時就是成日都話你順產嘅話你其實唔會知道真係幾點會出世㗎嘛，咁有時就係OB都放工啦，或者人地等咗成日啦，咁咪就唔得閒同你生，咁最後呢就變咗係個Delivery Room個Resident Doctor同你生啊咁樣。
沒錯啦沒錯啦，咁所以同埋呢其實OB呢其實你就算你Engage咗嗰個OB呢，真實同你生都未必係佢，因為佢都係一Team一Team咁樣樣，嗰個Slot係佢咁佢會去做囉，咁下一個Slot可能唔係佢。
明白。喂咁我想問呢，喺香港我有聽過母嬰健康院啊，好似一條龍服務咁啊，咁如果喺呢度啦，假切個大肚婆生仔或者佢哋未有咁好彩搵到家庭醫生喔，咁佢哋點樣可以即係享用到或者可以有篩選有OB、Midwife定Family Doctor咁樣樣點樣揀啊？
那首先呢新移民嚟到呢度我諗一定有MSP嘅，咁所以就唔需要擔心話要用一個好大舊嘅錢去生仔，呢個一定唔會發生嘅。咁如果未有Family Doctor嘅話，咁你其實呢而家呢度呢有個選擇呢我覺得，即係我之前都喺嗰間診所度做，咁就係一個Midwife Clinic嚟。咁我之前啊可唔可以公開名㗎？可唔可以講名㗎？
哦OK，我之前喺Terra Nova Midwives度做嘅，咁喺入邊呢咁你只要即係話你已經Confirm咗你係有BB嘅話，咁你只係需要去填咗張Form，咁然後就排隊，然後就可以有Midwife去跟你個產前。咁產後，其實佢哋做嗰個Service呢就好近似呢我們香港嗰個健康院嘅。咁基本上呢你生前呢嘅所有孕產檢呢都會係喺個Midwife Clinic度去做嘅。咁生完之後呢，BB呢亦都帶返去啦，咁就度高磅重啊各樣嘢呢都會係喺個Midwife Center。咁而佢哋嘅Midwife呢亦都包咗呢會係上門去Visit你嘅，即係生完之後你可以同佢約一個時間，佢可能有一至兩次嘅Service可以去你屋企睇下你衞生成點啊，BB嘅發育啊各樣嘢咁樣樣。咁我之前嗰個Clinic呢就直情有埋Midwife嘅Lactation Consultants呢，佢可以喺你產後6個星期入邊呢，你係可以Book佢呢就上門或者你需去個Clinic嗰度呢，佢可以教你餵奶嘅。
哇聽到嗰個服務都好好喔，係囉即係如果萬一可能啊又無四大長老咁樣去幫手啦，跟住又可能唔知道即係點樣樣，無乜經驗做爸爸媽媽嘅時候，咁可能其實搵返佢嗰個自己住嘅地方睇下有無一個Midwife嘅Clinic，咁跟住可能就係填Form，跟住就去等一個Midwife Assign呢，咁就好似成套服務就已經有就唔使擔心啊要去邊度啊咁樣樣。
夷咁其實我可唔可以揀一個即係指定係講中文嘅Midwife或者醫生咁樣？
你可以有Language Preference嘅，咁排唔排到排幾耐就唔知啦，咁當然啦好似我識講廣東話嘅，咁當然有啦但係亦都Very busy啦。
哦OK，有咗即刻要報啦，即係好似你知唔知而家啲Daycare一有咗就要即刻報，要報多間㗎。
咁啊又問下Catherine啊，其實呢生仔呢我自己成日都覺得好痛啦，即係一聽得到嘅話。咁而家嚟到加拿大會唔會或者嚟住科技好多進步，我之前有聽過香港有啲咩香薰治療啊咁樣，令到你無咁緊張話生仔無咁痛，咁喺加拿大有無呢咁嘅玩法㗎？
哇，加拿大嘅選擇呢就真係比香港多好多。因為頭先講啦，香港呢就即係好多時呢就一二三就開刀生㗎啦。咁呢度呢個順產嗰個比例係相對高啲嘅，咁所以啲人呢就會諗盡好多方法呢點樣可以生得易啲快啲順啲。咁呢度亦都衍生咗一啲服務呢係香港聽都未聽過。不過未講之前呢我要提一提大家呢，即係一個新移民呢我哋呢平時做Service呢我發現大家會好不為意一樣嘢呢，就係究竟要搵乜嘢人去做服務，同埋究竟你本身Existing嘅Benefit有啲乜嘢Coverage。呢啲係好多新移民唔識去搵窿路搵Resources嘅。咁呢其實呢首先要講呢就係你呢而家首先要搵啲乜嘢人。咁其實According to 加拿大嘅Health Care Act呢，咁其實有一個清單嘅人呢係定位係一些Medical Professional嚟㗎。咁香港其實有時都聽都未聽過，好似例如我而家嘅License啦叫做Registered Massage Therapist啦，香港係無呢樣嘢，咁好多人問：喂其實你做咩㗎？你係咪幫人揼骨啊？咁我係幫人揼骨嘅，不過我揼骨嚟就係揼得係好Therapeutic嘅。咁而我係好Focus喺Prenatal and Postpartum嘅。咁呢樣嘢除咗RMT係一個專業啦，物理治療師，物理治療師入邊都仲有好多細分㗎喎，有啲係專科係專係做盆底肌治療嘅。亦都有一啲呢中醫針灸係專做婦科嘅。咁呢啲呢點解要Mention呢啲比你哋聽呢？因為其實呢啲呢都係可以Claim到保險。因為好多人呢嘅公司呢或者佢自己呢就已經買咗Extended Health Benefit，咁呢多多少少呢每一個Category呢都有Coverage，咁就梗係唔好嘥啦用盡佢啦。好多人話托BB嗰陣時，個膊痛啊腰骨痛啊各樣嘢，都唔知道原來可以睇RMT可以解決呢啲問題，而自己喺度死忍咁樣樣，咁呢啲咪嘥咗囉。
咁甚至乎產前或者產後，有你哋有無聽過咩產後抑鬱啊或者各樣嘢，係咪啊？呢啲其實原來保險都包你可以同Counselor去傾計㗎，咁呢啲你哋就要知道啦。
咁究竟RMT或者係盆底肌治療師係點樣可以幫到你呢？我比個舉例，如果你而家有BB，咁有BB呢就分簡單啲黎講分兩個大嘅階段。一開始嘅時候，第一個Trimester同埋第二個Trimester啦，BB係向上升嘅，即係個胎係向上升。咁所以呢啲新手媽媽呢，因為基本上呢個人呢就成日就嘔，有啲Lactic acid啊即係哽胃啊，啲Rib Cage啊又頂住又唔舒服啊，咁跟住個人又Meme Me Me啊各樣嘢，咁呢啲時候呢你搵按摩治療師呢，就可以幫你將成個人呢調整返去，然後呢減低你嗰啲即係懷孕期嗰啲不適啊各樣嘢咁樣樣。咁去到你中後期啦，個BB呢就開始重，同埋佢向下墜入盆骨㗎啦嘛。咁嘅時候呢，我哋亦都可以呢幫你鬆盆。咁但係有一樣嘢呢，除咗放鬆之外呢，好多人唔知道嘅呢就係我哋啲專業嘅治療師呢，其實呢係可以幫你強化啲肌肉。
因為呢樣好重要，因為呢樣嘢係會幫你生得順啲生得快啲生得易啲。咁我哋其實喺個治療入邊呢，我哋會係混合咗一啲動作同埋一啲按摩嘅手法呢，就要你可能喺知道你個BB去到咩Stage嘅時候呢，例如啊而家係落緊盆嘅，入緊個盆骨入邊嘅時候，我哋會叫你做一啲動作呢開盆。咁令到你個B呢就落得順啲，咁同埋啲肌肉呢放鬆啲，咁就將個痛楚就減低。咁呢啲呢就係，即係梗係要做啦唔好嘥啦係咪先？同埋訓練啲肌肉呢等你呢去Push嗰陣時呢，Push得順啲，唔好咁多撕裂。因為其實有無聽過話生仔會撕裂呢樣嘢？
好恐怖啊，我最驚就係痛。同埋我成日聽過話最驚就係「食全餐」，我唔知幾度呢，你心諗哇點樣樣。
嗱我想講先啦，加拿大同香港一個好唔同嘅嘢呢就係呢，你無開度五六指你都唔可以入醫院㗎。
係，因為佢話要開夠五度，咁。咁嗱好得意嘅，第一次生嗰陣時呢咁啱係Victoria Day Long Weekend，所以呢可能嗰排就唔係好忙。咁嗰次呢佢四度幾呢咁就俾入去啦。咁生第二個嘅時候呢，咁真係啦，佢要真係五度先俾入。咁所以呢我特登已經搵，因為我哋去Women's Hospital啦，咁我特登租一個地方住近佢啦，咁但係佢都趕扯咗兩次。即係講兩次先真係Make Cut。
咦即係反而Staycation呢我諗要諗下即係佢可能計，算晒啲...
唔係㗎唔係㗎，因為放假反而有時啲Staff放晒假呢你仲衰啊，無人幫你做嘢。
但係嗰陣時好搞笑啊，第一次呢我哋就住咗四五日醫院。原因就係因為呢放假搵唔到醫生簽個扯。喂跟住佢就話：誒，你係咪真係趕住扯啊？不如留多日先啦。住到我真係唔想住，因為佢好得意嘅，咁佢喺間房度啦都係私家嘅，咁其實有私家又唔係私家，同埋你係即係睇彩數嘅，但咁啱私家啦，咁側邊有張席我可以訓喺側邊陪佢。咁我已經喺張席度訓咗三日四日，即係訓到我唔想唔想再訓落去啦，咁所以最尾夾硬話誒唔得啦我要走啦咁樣。
但係第二次就因為即係自然順產好快出咗嚟，咁呢第二朝早即係可能啲Epidural都未過晒咁就誒走啦咁樣。
哦，可能因為第二胎已經有第一胎嘅經驗啦嘛，已經好掌握到知道咁樣樣。哦好，喂咁Catherine啊頭先呢你所講話呢，係哦我就聽話比如好似香港好興呢而家生仔啊就會做下瑜珈啊嗰啲，咁頭先你所講咩盆底肌治療啊呢啲係咪就係類似加強佢嘅肌肉，可唔可以講多少少，即係而家係咪同我哋阿媽做生仔個年代輕鬆咗或者多咗好多支援㗎啦？
其實呢生仔你要生得順呢其實有幾個重點嘅。第一樣嘢呢就係你一定要個人呢嗰個心態呢要夠正向同埋夠強壯，即係唔好人哋一講哇少少嘢你就得個震，搞埋啲好蠢嘅嘢。咩叫蠢嘢頭先佢有講啲連續去咗幾次跟住俾人彈返轉頭，其實呢你遲少少去可能都無所謂，最後都生出嚟㗎啦係咪先？第二樣嘢呢就係其實呢越係個人呢越係個Mobility越高呢，係越順嘅。
要郁動多啲嘅。咁第三樣嘢呢就係產前知識呢就要做足啊。咁因為呢好多時啲媽媽未必知道話喂究竟要點樣樣去準備啊，點樣去餵人奶啊定係餵奶粉啊各樣嘢，要買啲乜嘢啊各樣嘢，其實呢度都有好多唔同嘅產前班去Attend嘅。不過即係話頭先講返就係話盆底肌，呢樣嘢呢係香港係極度即係貧乏嘅。因為我曾經呢試過做一個Research呢我要幫一個朋友去Check究竟香港有啲咩Pelvic floor嘅Therapist啊或者係Treatments啊。哇我睇完呢就得個三四個，大部分都係加拿大Train嘅。咁所以其實呢樣嘢呢係加拿大其實係比較盛行啲同埋好做得好專。咁因為其實呢喺我哋嘅盆腔個肌肉、盆腔入邊有好多唔同嘅肌肉，同埋我哋有一樣嘢就係我哋嘅Hip Flexor。咁你要知道個肚大嘅時候，盆腔個肌肉呢托住嗰個嗰個個胎嘅時候，個人呢個Hip Flexor各樣嘢好緊喔。咁嘅時候你點樣樣去放鬆佢囉，或者係有一啲好弱嘅肌肉你點樣樣去練強佢呢，令到佢生嘅時候會生得順。因為其實呢你越想快呢，你就越裂得勁。你越心急呢你就越生得唔順，你就越容易食全餐。有無聽過咩叫食全餐？
咩食全餐呢就係你Go through晒成個產程，咁去到最尾生唔出。跟住已經剪埋啦，剪埋啦，生唔出，跟住要緊急開刀，嗱呢啲叫食全餐。
係啦。咁大部分即係食全餐嘅Case呢都係即係個個準備功夫做得唔足，同埋有啲Complication即係媽媽去不斷咁樣樣去嘗試去Push亦都係用得唔係好啱，咁啊不斷可能做好多Medical Intervention，令到佢BB嗰個心跳啊或者媽媽嘅心跳有啲有啲狀況啊所以就要緊急開刀。
咦咁其實呢個覺得個文化都好大分別同以前喺香港啊。因為以前成日即係啲老人家話：誒大肚婆唔好周圍郁啦，唔好周圍行啦，搞呢搞路啊咁。但其實反而因為你大肚所以你要做多啲運動，要Active啲，咁其實到你生嘅時候呢就會即係容易啲啦。
我又好奇想問下呢，有無話即係一般即係其實係幾多個鐘頭之內生到係比較合理㗎？因為我有聽過以前啲同事講呢，哇好似去廁所好快，有啲呢就生極都生唔到又要聞氣咁樣。即係係究竟係個人嘅體質啊，準備功夫做唔足啊，定係點樣樣㗎？
其實人人嘅Case都唔同啊，好難講啊，同埋你第一胎第二胎咁都好好難講。但係反而呢我見到大部分呢生得順嘅Case呢都有幾個共同嘅特點㗎。第一樣嘢呢就係佢哋呢好識得去利用資源，善用資源去Regular做好多唔同嘅Treatment。因為頭先我有Mention過啦，即係我哋嘅Extended Health Benefit Cover到物理治療啊、RMT啊、針灸啊中醫啊。咁佢哋識得呢將呢啲咁嘅唔同嘅Treatment呢Combine咗佢。例如一樣嘢可能你哋從來都無聽過就係叫Cervical Ripening，宮頸放鬆針灸法。咁呢樣嘢喺加拿大呢就好盛行，但係香港係聽都未聽過。一般呢香港嚟嘅中醫師呢甚至乎係都唔係好知道要點樣做同埋無乜信心做，通常都係喺加拿大嘅即係Train up嘅中醫師會叻做。咁佢哋係點樣做呢？咁佢哋呢就會喺一啲主要嘅穴位例如喺啲腳眼，即係Ankle嗰啲位呢，佢哋會針。咁針嘅時候呢，咁個媽媽嘅Feedback呢就係佢話會Feel到一個暖流呢喺個宮頸度，喺個下陰度。咁呢就我哋大概呢我診所我自己我一般呢就會安排呢我啲Patient呢就大概Week 37開始，每個星期做一次。就慢慢慢慢針軟佢，針到佢鬆咗佢。咁呢個係一個好有效嘅方法。咁你如果其實你可以問下你嗰啲Midwife啊或者OB，佢哋都會話俾你聽呢個係一個幾Natural嘅方法又唔使食藥啊或者要乜性。咁另外第二樣嘢呢就是，就係有時呢有啲媽媽呢因為本身個姿勢呢或者個體型有啲問題啊，咁呢個BB呢落得唔順啊。Kick咗喺度。我之前呢有個Client呢佢個人呢Meme Me Me嘅。Meme Me Me嘅，咁個BB個頭呢就Kick咗喺佢嘅嘅嘅嘅Rib Cage嗰度，咁轉極都轉唔到。咁嘅時候呢我哋呢就要幫佢呢就斗正嗰個姿勢，令到個BB落盤會落得順啲嘅。咁當然唔係我話我搵隻手去Tune佢個胎啦，但係我哋就係要同佢做一啲動作啊做啲拉伸啊各樣嘢呢，咁就可以做。咁好多人就唔知其實呢我哋呢按摩治療呢，我哋直情呢無論你個胎係幾大，甚至乎你兩胞胎三胞胎，我哋都可以令到有啲專業嘅Facility令到個媽媽呢可以Face Down好安全咁樣樣趴喺度，然後呢我哋係成條椎逐節逐節幫佢去調整。
哇好專業啊係啊，咁但也都好好，起碼呢比即係如果真係新手爸爸媽媽嘅街坊呢都起碼個心定啲，即係話原來你嚟到加拿大嘅，可能無好多Support啦，假切屋企老人家專程飛過嚟咁樣樣過嚟幫手湊仔，但可能喺生仔之前呢你都做咗啲可能係身心靈嘅所有嘅調節啦，或者搵相關嘅專業人士去幫呢，咁其實都可以安心啲囉係咪啊？
同埋嗰陣時呢我哋都有一本天書呢我覺得都幾好用嘅。係啊其實政府出版嘅，叫做Baby's Best Chance。咁我覺得呢個都要睇嘅。Baby's Best Chance。系啦，咁就係講由即係由大肚啊到生啊到之後嘅Care呢一次過都會講晒。
係啊係啊，大家有興趣嘅街坊都得閒揭下Search返呢本天書呢，我諗都對大家有幫助。
咁我哋呢下一集係咪要探討下呢究竟生完仔之後要有啲咩調理啦，或者頭先你所講話點樣全面啲，因為生完仔之後呢我諗相信爸爸媽媽第一次見到個BB呢應該會可能要諗下點抱佢啊，又或者好似要佢喊啊呢啲，即係我諗相信都好大壓力個喎，係咪啊？我哋下一節探討下好無啊？
喂其實溫哥華街坊會係咩嚟㗎？點解會Form㗎？有咩着數啊？
係，咁其實溫哥華街坊會呢都其實個名好似好娘咁，但其實我哋好新嘅一個機構嚟嘅。咁啊亦都係1年成立啦，咁其實都係志在連結啲新舊嘅香港人嘅移民囉，咁即係大家...
係啊，咁其實我哋都即係個個都係義工啦，咁都有賴各位嘅義工幫手啦，其中一個最新嘅就係阿May啦。
係啦，咁我哋都有啲恆常嘅活動啦，即係有啲玩嘅又有啲係學下嘢咁都有嘅。咁例如我哋4月份會有一個寫棋空間啦，咁當然寫棋空間都係一個地方大家有一個Topic咁大家嚟聽下都傾下偈咁樣啦。咁嚟到而家暖返啲啦，咁開始會有啲行山嘅活動啦。因為香港人都鍾意行山，咁我哋都有啲義工呢係即係喺度好Active嘅幾廿年，咁所以佢哋就成日會搵唔同嘅路啊帶大家行山，嗰個係好Popular。咁另外呢，因為好多即係我覺得香港人移民嚟呢都英文係唔錯嘅，咁但係由你寫Email轉做傾偈平時Small Talk啊咁嗰啲呢係一個好唔同嘅Context。咁所以呢我哋有一個English Conversation Group，咁就每個月都做一次。咁其實大家可能去下唔同地方啊，可以上個月我哋係去North Road食嘢啊，或者之前一次去溜冰啊咁樣囉。
係啊係啊，咁我哋唔知大家新年有無即係參加我哋嗰個麻雀大賽或者聽過啦吓，咁我哋其實都上年開始呢喺香港人市集嗰度呢都有幫佢哋手即係擺檔同大家開檯，咁今年都會繼續會嘅，咁希望都到時會見到大家啦。
我聽聞呢個就集武林高手呢，戰況激烈啊。所以係，如果有興趣嘅大家就報名啦。
係啊，咁我哋大家想知道，我哋我哋要Hard Sell下先，想知道街坊會嘅動向呢Follow我哋IG同埋Facebook，吓，咁呢就得㗎啦，同埋聽我哋嘅節目。
