👇👇👇👇👇
按此購票
🌲🍂 10月秋日行山團｜Twin Falls & 30-Foot Pool
秋天就梗係要入山吸下新鮮空氣啦！🍁
今次一齊去 Lynn Canyon 行個靚靚嘅森林 loop，沿途有 🌲 原始森林、💦 Twin Falls 瀑布、🏞️ 30-Foot Pool，同埋 Lynn Canyon 嘅溪流景色。
路程唔算長，但有少少樓梯同上落，啱晒想輕鬆郊遊、影相、吹水嘅朋友～😎
a. 簡介及路線:
呢條人氣十足嘅環迴步道，一開始就會帶大家經過令人興奮嘅 Lynn Canyon 吊橋。吊橋高高掛喺湍急嘅溪水上面，行過去相當有氣氛！之後沿住一連串樓梯同木板步道一路落山，穿梭喺壯麗嘅溫帶雨林之中，途中仲可以欣賞到氣勢澎湃嘅 Twin Falls 雙瀑布。雖然條路唔算長，但沿途景色非常豐富，絕對係一條「短短路程、滿滿靚景」嘅行山路線。
沿途會穿過由巨大嘅 Douglas fir 同 Western red cedar 組成嘅森林，四周都被青苔同蕨類植物包圍，充滿濃厚嘅原始森林氣息。一路跟住峽谷入面清澈碧綠嘅溪水前行，就會去到 30-Foot Pool，呢度亦係當地人幾鍾意去嘅游水勝地。喺呢度可以舒服咁享受沿途嘅瀑布、森林同自然景色。🌲💦
Lynn Canyon Park 一直都係深受大家歡迎嘅自然休憩地，亦位於 Tsleil-Waututh 同 Squamish 原住民族嘅傳統領地之上。公園嘅主要環迴路線可以話係體驗 BC 溫帶雨林嘅一個好選擇。不過，因為呢度非常受歡迎，停車場通常好快就會爆滿 (所以可以考慮搭公共交通工具)。
☕ 行完再搵地方食嘢／飲咖啡
路線參考1
⌚ 需時：~ 1.0 - 2.0 小時
📏 路線長度：~3.2km (海拔增高度: 129m)
📶 難度：初級 - 中級 (beginner - moderate)
b. 集合詳情及交通:
📅 日期：10月17日（星期六）
⏰ 集合時間：10:00am
🚩 集合地點：Lynn Canyon Cafe 外面 Google Map
🚌到達交通: 由 Downtown Vancouver 出發，可以搭 🚢 SeaBus 去 Lonsdale Quay，再轉巴士去 Lynn Valley。👉 可以搭 #228 / #229 去 Lynn Valley Road @ Burrill Avenue (stop#54186)，再步行約10分鐘https://boxoffice.vankaifong.com/vankaifong/hike-202610/page/transit/到 Lynn Canyon Cafe。 (出發前建議用 TransLink App / Trip Planner 睇返當日星期六嘅班次，預多少少時間，10點前到達！)
🚗泊車: Lynn Canyon Cafe 有收費停車位 (約 $3/小時)，不過因為呢度非常受歡迎，車位會比較快滿。建議大家早啲到，唔好預10點到先慢慢搵位 😆
c. 費用:
👫🏻 會員 - 免費及可以幫一名非會員免費報名 (亦即係會員可以免費報名兩個人包括會員本人)
👥 非會員 - 每位 $5 (支持街坊會運作。退票需要喺10月9號上午十點前，同時街坊會亦會收取$2手續及行政費用。)
**「溫哥華街坊會」係一個非牟利組織，我哋一班義工旨在連結大溫地區以至卑詩省的新舊香港移民，共組更團結互助的港人移民社群，參加會員可以去呢個綱址：https://vankaifong.com/membership/
d. 注意事項/ 事前準備
- 足夠飲用水 約 2-2.5L
- 一些簡便小食 (如Energy Bar 等)
- 自備袋食完小食後帶走啲垃圾
- 防曬用品(包括帽，太陽油)，蚊怕水，個人藥物等
- 公園內可能有野生動物例如郊狼(coyote)等出沒。如果帶同小朋友或小狗，請注意不要讓他們走開。
- 如果落雨，請穿防雨(水)衣服和鞋。
- 注意山上比較涼，最好用洋蔥式穿法 (layering) 。
- 山路比較多泥濘及濕滑，如沒有行山經驗，可預備手杖。
⚠️注意事項：視乎天氣而定 - 請在活動日期和時間前 24 小時檢查你的電子郵件，以確認活動沒有因惡劣天氣（如太大風、太大雨）而取消
⚠️ WAIVER: You, the reader, acknowledge that participation in a hiking activity carries with it inherent risks including, but not limited to, the risk of injury. And you, the reader, freely accept and fully assume all such risk(s). It is the responsibility of each participant of a trip to familiarize themselves with the risks of hiking and other such related activities, to weigh those risks against the advantages, and to decide whether or not to participate. Vancouver Kaifong (Neighbourhood) Association executive, organizers, and members cannot and will not assume liability in respect of any of these risks, dangers, hazards and liabilities. Participants further acknowledge that it is their responsibility to ensure that they carry adequate medical, extended health, dental and accident insurance coverage, as well as protection for personal possessions. It is the participants individual responsibility to verify that they are in good health and are physically capable of carrying out the hiking activity or any activity organized by Vancouver Kaifong (Neighbourhood) Association. Therefore, in consideration of being allowed to participate, individuals release Vancouver Kaifong (Neighbourhood) Association, and its organizers, executive, webmasters, email senders and members from all liability in respect of any personal injury suffered, any damage or loss of personal property, which my arise out of participation in a hiking activity.
