👇👇👇👇👇
按此購票
食飽玩夠睇完戲，係時候一齊郁下啦！🌿🥾☀️🍁
先喺夏日 Festival 食盡地道美食，又睇埋 Summer Movie Night。9月係時候離開梳化出嚟郁下！
街坊會9月遠足活動正式登場！今次我哋精選風景如畫嘅 Buntzen Lake Trail，全程約 10.5 公里環湖路線。無論平時有冇行開山，都可以輕鬆參加。一邊呼吸新鮮空氣，一邊欣賞夏末景色甚至可以落水消消暑！
「沙發薯仔」一齊流吓汗、影靚相、吹吹湖風，為夏天畫上最舒服嘅句號。
a. 簡介及路線:
🥾 由 Buntzen Lake 停車場出發，一路沿着 Buntzen Lake Trail 去到 湖嘅另一邊，可以喺湖邊食吓嘢唞吓。 如果有興趣嘅話，可以落水游吓。我哋食完嘢會沿着環形路線返去停車場。
路線參考1, 路線參考2
⌚ 需時：~ 4.5 - 6 小時
📏 路線長度：~10.5km (海拔增高度: 301m)
📶 難度：中等 (Intermediate)
⏏️中途退出點： 這是一條 10.5km 環形路線，根據你在環形路線的位置，可隨時回程，又或者完成環形路線可能會更好
b. 集合詳情及交通:
📅 日期：9月13日（星期日）
⏰ 集合時間：10:30am
🚩 集合地點：Buntzen Lake (洗手間外面) Google Map. ⚠️⚠️嗰度電話訊號係收唔到㗎!!! 所以你要清楚自己去邊個停車場 & 洗手間**!!⚠️⚠️**
🚌 到達交通：坐 Skytrain Millennium 線去 Moody Centre 站, 再搭 #182 巴士去 Anmore Grocery Store (#53245 站), 然後行兩公里 (大概30分鐘)去到 Buntzen Lake 停車場 Google Map
請注意:
#182巴士喺Labour Day長週末之後大概逢星期日一個鐘頭一班，麻煩你自己check吓巴士時間表。根據以前嘅時間表，喺Moody Centre 站(#61889站)，坐9:15am嗰班巴士，9:44am去到Bedwell Bay Road @ Midden Road (#58978 站)!! 錯過咗呢班巴士要10:15am先至再有巴士，咁就趕唔切我哋10:30am 開始行山㗎啦!!
https://www.translink.ca/schedules-and-maps/route/182/direction/0/schedule
🚗 泊車：Buntzen Lake 停車場 Google Map. ⚠️⚠️嗰度電話訊號係收唔到㗎!!! 所以你要清楚自己去邊個停車場!!⚠️⚠️
🚕 Carpool：如果需要，我哋可以幫手盡力安排 carpool，但係未能保證一定安排到
c. 費用:
👫🏻 會員 - 免費及可以幫一名非會員免費報名 (亦即係會員可以免費報名兩個人包括會員本人)
👥 非會員 - 每位 $5 (支持街坊會運作。退票需要喺9月10號下午四點前，同時街坊會亦會收取$2手續及行政費用。)
💰建議如果carpool，可以考慮夾番油錢⛽💰 (可問車主)
**「溫哥華街坊會」係一個非牟利組織，我哋一班義工旨在連結大溫地區以至卑詩省的新舊香港移民，共組更團結互助的港人移民社群，參加會員可以去呢個綱址：https://vankaifong.com/membership/
d. 注意事項/ 事前準備
- 足夠飲用水 約 2-2.5L
- 一些簡便小食及晏晝 (如Energy Bar 等)
- 自備袋食完小食及晏晝後帶走啲垃圾
- 防曬用品(包括帽，太陽油)，蚊怕水，個人藥物等
- 公園內可能有野生動物例如郊狼(coyote)等出沒。如果帶同小朋友或小狗，請注意不要讓他們走開。
- 如果落雨，請穿防雨(水)衣服和鞋。
- 注意山上比較涼，最好用洋蔥式穿法 (layering) 。
- 山路比較多泥濘及濕滑，如沒有行山經驗，可預備手杖。
⚠️注意事項：視乎天氣而定 - 請在活動日期和時間前 24 小時檢查你的電子郵件，以確認活動沒有因惡劣天氣（如太大風、太大雨）而取消
⚠️ WAIVER: You, the reader, acknowledge that participation in a hiking activity carries with it inherent risks including, but not limited to, the risk of injury. And you, the reader, freely accept and fully assume all such risk(s). It is the responsibility of each participant of a trip to familiarize themselves with the risks of hiking and other such related activities, to weigh those risks against the advantages, and to decide whether or not to participate. Vancouver Kaifong (Neighbourhood) Association executive, organizers, and members cannot and will not assume liability in respect of any of these risks, dangers, hazards and liabilities. Participants further acknowledge that it is their responsibility to ensure that they carry adequate medical, extended health, dental and accident insurance coverage, as well as protection for personal possessions. It is the participants individual responsibility to verify that they are in good health and are physically capable of carrying out the hiking activity or any activity organized by Vancouver Kaifong (Neighbourhood) Association. Therefore, in consideration of being allowed to participate, individuals release Vancouver Kaifong (Neighbourhood) Association, and its organizers, executive, webmasters, email senders and members from all liability in respect of any personal injury suffered, any damage or loss of personal property, which my arise out of participation in a hiking activity.
