温哥華街坊會

#體育健康 Sports

Viewing all posts in category 體育健康 Sports
街坊會6月踩單車活動 Biking with VKA Jun

街坊會6月踩單車活動 Biking with VKA Jun

pretix ·

👇👇👇👇👇 按此購票 a. 簡介及路線: 我哋今次由香港仔天車站出發，沿著Fraser River / River Road, 經 Richmond Oval，踩去 Terra Nova Rural Park，之後踩 West Dyke Trail去Steveston， 喺呢度大家可以買個晏 (例如 Fish🐟& Chips🍟)，之後喺Steveston / Garry Point 公園食晏，再由 Railway 單車徑回香港仔天車站。 ⌚ 需畤: 2-3.5小時 (包括食晏，欣賞沿途景點，影相📷等) 📶 難度：初級 / 中等 (beginner / Intermediate) (⏏️中途退出點： 這條路線位於列治文，你可随時乘巴士返回香港仔天車站*)* 🔁 Aberdeen Canada Line Station to Terra Nova / Steveston and return – 21.7km路線 b. 集合詳情及交通: 🚩集合地點: 香港仔天車站 (地面) (https://maps.app.goo.gl/J3HFSq9UGUGFSJDa7) ⏰集合時間: 11:00am 🚆到達交通: Canada Line 去香港仔天車站 🚗泊車: 香港仔中心有免費停車 (⚠️ P1 - P3 - 泊3小時; P4 - 泊4小時) c. 注意事項/ 事前準備 i. 足夠飲用水約1.5L ii. 一些簡便午餐 (如Energy Bar 等) (自備袋食完午餐後帶走啲垃圾) iii. 防雨(水) 用品，個人藥物… iv. 這路線為共享路徑，請註意步行者，跑步者，狗， 甚至車。 v. 如果落雨，請穿防雨(水)衣服和鞋 vi. 如需要租單車: 請自己安排租單車。最好預先預訂。 以下嘅單車店喺最近Waterfront Station (seabus 大樓): 🚲Spokes Bicycle Rental WATERFRONT location (870 Cordova) – 604-688-5141 – 9am-8pm https://spokesbicyclerentals.com/ ➡️租完單車後去Waterfront Station搭 Canada Line 去香港仔天車站

閱讀更多 Read More →
街坊會10月踩單車活動 Biking with VKA Oct

街坊會10月踩單車活動 Biking with VKA Oct

pretix ·

👇👇👇👇👇 按此購票 a. 簡介及路線: 我哋今次由溫哥華市中心，坐seabus去北溫，由 Lonsdale 踩，途經 Park Royal (可以去買埋個晏 - 例如雙拼飯🍱)，之後去到西溫Dundarave 食晏，再由 Lions Gate Bridge踩返溫哥華市中心。 ⌚ 需畤: 2-3.5小時 (包括食晏，欣賞沿途景點，影相📷等) 📶 難度：初級 / 中等 (beginner / Intermediate) (⏏️中途退出點：這條路線很近 Marine Drive，你可随時乘巴士返回溫哥華市中心或者北溫Lonsdale Quay) 🔁 Seabus terminal to Lonsdale to Dundarave to Lions Gate Bridge to Seabus terminal – 21.6km b. 集合詳情及交通: 🚩集合地點: Waterfront Station (seabus 大樓 – 601 W. Cordova 出面等) (https://maps.app.goo.gl/3VHtUzpezXcRtNUf8) 🚆到達交通: 所有 Skytrain 和 Canada Line 都可以去溫哥華市中心嘅 Waterfront Station 🚗泊車: 附近有很多收費停車場

閱讀更多 Read More →
溫哥華行山點玩好

溫哥華行山點玩好

vankaifong · Edkin 遊子歸加 回流加拿大的日常事 ·

係香港人群組裡面有新朋友講起行山。北美咁大地方，講到山野景致，同洛基山脈接壤嘅州份同省份真係得天獨厚。成個BC地方超大超靚，唯一嘅問題係唔夠錢唔夠時間唔夠體力，唔係淨係BC省都玩唔完。 由於BC可以去嘅地方實在太豐富，自己見識都唔算特別廣闊，我就只係集中講下係大溫地區一日之內行得完嘅短線路程可以點去。以下面所講既估計時間，喺用慢腳，比較保守嘅時間估計。實際時間最好自己調查一下距離同爬升，再根據自己過往經驗作為調整。 最簡單方便經濟實惠，一開始一定係北溫。而且因為有Cypress, Grouse同埋Seymour 三大滑雪場加持，好多靚山由停車場出發都可以偷雞行少一大截。例如由Seymour Parking出發，一條幾乎平路行去Dog Mountain喺輕鬆之選。再唔係行去Mt. Seymour 既First and Second Peak 都係5，6個鐘頭來回。 Grouse 主要係上Goat 同Crown Mountain，雖然水平距離只有三幾公里，但係難度不小。由山頂纜車站出發八小時來回都好正常。路線比較濕滑同有泥濘，建議等雨水比較少，路面乾爽時候更加適合。 Cypress選擇就更加多。Eagle Bluff相對比較容易去，但係即使往北走，去到打卡聖地St. Marks Sunmit亦都只係三，四個小時來回。Cypress係Howe Sound Trail起點，如果一直行，去到Lions同Brunswick都可以。但係呢兩個山難度都唔少，體力不足嘅就絕對唔建議，而且如果只係一日行程，就只係夠時間攻克一個山頂，都係逐個去啦。 另一個更加由容易到最困難都有得玩嘅路線就係Lynn Valley。由Lynn Valley Road入，往南走就係Rice Lake同埋本地人先去，唔使收錢嘅吊橋。山谷嘅景致非常漂亮，而且盛夏嘅時候河谷嘅水亦都唔會太凍，好多人去玩水。其中一個支線就係上Lynn Peak。路線唔長但係爬升非常厲害。可以想像係特別進階版嘅Grouse Grind。一般人來回之後都會腳軟。 直接北上，七公里距離就係Norvan Fall。一個非常漂亮而且可以走到瀑布底下既路線。雖然唔算難，但係距離相對長，小朋友未必有足夠體力完成全程。係Norvan Fall旁邊，就係上去魔王級既Coliseum Mountain。Coliseum 其實同Lions及Brunswick差唔多難度，問題就係加上Norvan Fall呢一段十幾公里來回，就唔喺咁多人做得到。年年都有人要人救落山，所以要準備充分先至好試。 其實都未講完，不過我諗分開下一集先至講其他更加容易同適合一家人去嘅路線。但係一定要同大家講，行山一定要有所準備。以上介紹嘅路線全部都係本地非常熱門，基本上一定會遇到行同一條路線嘅山友。有事坐定唔好亂咁走，總會有人幫到你。畢竟BC山體比香港大得多，搜救好需要時間，而且亦都要對野生動物有所防範，所以有關準備我諗又係要另外開一節出來講。 以上路線，有車既話係相當容易去。比起其他省份，一個鐘頭都唔駛嘅駕駛距離已經可以去咁靚既山其實係難以想像。不過有好多新嚟嘅朋友未有車，咁就比較棘手。當然如果呢個群組入邊有朋友去，跟車一齊上係唔錯，不過要夾啱又唔喺咁容易。大家可以試下加入一啲本地行山群組，周不時都會有好心嘅朋友，橫豎出車重有兩個位，就會問有冇人想跟埋去。通常參加嘅人都係自己冇車，咁就可以約喺溫哥華某啲地鐵站外面等，好多時都係比返十幾廿蚊油錢當做謝禮就可以。 不過，同陌生人同一架車上山係有一定風險，所以要自己研究下嗰個信唔信得過，如果出到黎變成喺孤男寡女當然就可免則免。另外可以用car sharing，偶然一日用下車嘅朋友係一個好選擇。 BC Hiking and Adventure Group https://www.facebook.com/groups/808903849314933/?ref=share 希望哩個群組多啲人搞行山會，可以帶到多啲朋友去睇享受一下Beautiful British Columbia。

閱讀更多 Read More →