#社區活動 Community

溫哥華街坊會周年晚會 VKA Annual Gala 2023

一年一度嘅溫哥華街坊會周年晚會 VKA Annual Gala又嚟喇！ 晚會喺12月2號喺列治文嘅鴻星海鮮酒家舉行，我哋希望當晚會係一個俾大家同朋友聚首一堂嘅機會，一齊慶祝2023年嘅努力成果之餘仲希望大家趁機再認識更多新朋友。到時當然會有遊戲同表演啦！今年我哋會搞搞新意思玩下拍賣，希望大家到時會多多參與同埋玩得盡興！ 今次我哋都會有早鳥優惠俾大家：只要喺11月10號或之前買飛，就可以得到價值$20嘅精美2024年座枱月曆一份！ 呢份月曆係由我哋義工小譚親自配相及排版，每頁嘅前後都配有當月相關嘅相，月曆亦有標記BC省Statutory假期（紅色）及重要嘅香港節日（如農曆新年、端午節等 - 紫色）。最重要嘅係，每一張相都係街坊親自拍攝嘅溫哥華美景嚟㗎！大部分相片都附有QR Code說明拍攝地點及場合，大家去到嗰個月份都可以去同一個地方影吓靚相喇！ 有賴贊助商的支持，晚宴門票以低於成本價發售🙇‍♂️🙇‍♀️ 另外，會員將享有優先購票同埋優惠價，請留意以下詳情： 日期：12月2日（星期六） 時間：6時恭候 6時半入席 地點：鴻星海鮮酒家 （列治文） 票價： * 成人/青少年（5歲以上） $52 (會員）/ $58 (非會員) * 小童（5歲或以下）免費（需附隨一張成人票） 早鳥優惠 (11月10日或之前購票）：可獲得精美2024年月曆一份（名額100名，先到先得），於晚會現場領取 會員優先開賣日：10月28日（星期六） 早鳥優惠開賣日：11月4日（星期六） 正式開賣日：11月11日（星期六） 🎟️街坊會會員首次購票時請使用註冊電郵作為用戶名，電話作為密碼，詳情請點擊[這裡查看用戶指南](https://drive.google.com/file/d/11RPiE0yvK1lUWJVEVu-HgFyXni_tPuIn/)。 註： * 當晚會有攝影機及錄影機拍攝晚會現場，照片及影片有機會會放上街坊會的社交媒體如Facebook、IG。如不希望有你的照片被放上街坊會的社交媒體，請在入場登記時通知有關工作人員。 按此購票

English Conversation: Face to Face (Oct 2023)

溫哥華街坊會新抵埗港人獎學金 VKA New Comer Scholarship

奬學金的背景 街坊會成立近三年，一直以來都以壯大港人社群和支持新抵埗港人落地生根，盡快融入成為港裔加拿大人為目標。去年在註冊成為非牟利團體後有舉辦電影首映會等活動，感謝社區人士及商戶支持，令我們籌集到一些資金，旨在讓街坊受益。我們舉辦活動時首要考慮的是活動背後的意義，而活動費用亦是我們考慮的重點之一。我們盡量會用較貼地的方式舉辦活動以降低成本，讓街坊不至因經濟原因而卻步。 奈何近年物價急速上漲，生活成本倍增，我們舉辦的活動亦要調整收費以避免虧損。就如今年春季舉辦的 Stave Falls 和 Fort Langley 旅行，除了玩樂也可以了解本省的歷史，極具教育意義。不過由於要乘坐旅遊巴，活動收費自然比較高，亦確實令到一些未有經濟能力的街坊(如全職學生)卻步。我們義工內部商討使用籌得資源補貼一些活動時，就有人提出效法海外港人和其他族裔團體，推出獎學金，直接提供經濟援助更爲了當，「溫哥華街坊會新抵埗港人獎學金」因此誕生。 按街坊會的財務狀況，兩份獎學金的金額原本為$500，到開始籌劃獎學金時，幸得有心人士捐助，才令每份獎學金金額倍增至$1000！ 獎學金的詳細資訊 ✅ 你必須滿足以下所有要求 在過去5年內抵達加拿大 出生和/或在香港長大 目前居住在加拿大BC省 在加拿大BC省完成至少一個學期的全日制大專課程 目前是加拿大BC省的全日制學生 ✨ 選拔標準 學業表現優秀，至少達到GPA 3分以上 (4分滿分) 積極參與加拿大社區活動 你在加拿大的貢獻和義工經驗 📄 在申請時必需要遞交以下文件 (請參考FAQ以獲得更多資訊) 成績單 Transcript （最近期的） 履歷表 Resume （最多2頁） 提交一篇英文文章，題目為「Settling in Canada: How do you see yourself contributing to your new home?」（最多1,000字） 🕰️ 時間表 申請必須在11月9日溫哥華時間23:59之前遞交 委員會會在2023年11月下旬聯繫入圍者 獎學金獲獎者將於2023年12月2日的溫哥華街坊會年度晚宴上宣布 🏆 獎學金內容 2名獲獎者 每人獎金$1,000 ⚖️ 委員會的組成 為確保公平公正，委員會主要為外界人士 成員由街坊會的Director與義工及3個社區人士組成 (共5人) 成員均居住在加拿大BC省及來自不同的背景 這種多樣性構成確保了對所有申請的全面和公正評估 ⚙️ 審核過程 涉及到財政資源，我們務必公正持平地決定如何頒發獎學金。 委員會去為獎學金訂立參加條件、評分機制和選出得獎者。 每份申請將根據上述的要求和選拔標準進行評估。 在填寫申請表之前，請先細閱FAQ，如有進一步問題，請隨時通過 [email protected] 與我們聯繫！期待你的申請！

English Conversation: Face to Face (Sep 2023)

一家大小摘藍莓

要數夏天的溫哥華的活動，又怎會少得摘藍莓？Richmond、Delta、Surrey 同Langley 都是大溫哥華農業的重點城市，藍莓更是本地最重要的農產品之一。藍莓算是易種的生果，而且成長的果樹都可以生成很多果實。對一家大小來講，唔算高的藍莓樹比車厘子易摘，小朋友就算手一抓都可以摘到不少果實，實在是一家大小最好的假日活動。 小編早前去了 Delta 一個頗大的農場叫 J.S. Dhaliwal Farms，地方非常大，就算有很多遊人都唔會覺得迫，而且果實都比較大粒，埋單只要 $2 一磅，非常便宜。建議大家可以朝早由 Richmond 駕車去只需約半小時，早上陽光唔算太熱因此唔會太辛苦，摘兩三小時就可以吃午餐。大家家中有膠桶就帶三兩個膠桶，無的話農場都會有借用。膠桶內放一個大膠袋，摘完就咁一袋拎出來磅重俾錢就可以。個人感覺一般遊人都會在停車場附近的果樹摘，我就會去遠一點無咁多人的地方，通常都會有更佳的收穫。 如果你真係懶到摘都唔想摘，其實都可以直接同農家買盒裝的，都只不過是$2.5 左右一磅，比去超市便宜，無的話去附近的農園一般都可以買到。 回程食午餐當然可以返回 Richmond，或者可以沿 Highway 99 未過隧道之前有一間河畔的餐廳 [RiverHouse Restaurant, Pub & Marina][1]，景色超好很chill，不妨試試（食物就一般啦，唔算好突出但唔會難食）。 [1]: https://www.riverhouserestaurantandpub.com

炎夏無車日

溫哥華的夏天從來都不缺戶外節目。如果太陽下激烈的運動不適合你的話，不妨參加8月及9月四個星期六在溫哥華不同地區的 Car Free Day 享受一下在街上無車的悠閒周末。 Main 街 Car Free Day 8月20日－Downtown Denman 街 8月27日－Mount Pleasant 一段的 Main 街 9月10日－溫東小意大利一段的Commerical Drive 9月17日－ 北溫（未正式公佈） 當日整條街都會封路不給車行走，而為了宣揚無車日減少炭排放的目的，請大家都盡量坐公共交通工具前往。路兩旁都會有攤檔、Food Truck 或街頭藝術或表演，林林總總，街坊一定會找到你有興趣的項目。街坊如果想參加就要繼續留意官方網頁。 以下是2018年小編在 Main 街的 Car Free Day 的照片。

夏夜煙花頌

隨住武漢肺炎陰霾逐漸消散，本地的大型活動都相繼重開，而闊別兩年的「本田光的慶典煙花大會」 (Honda Celebration of Light) 今年會重新舉行並且慶祝這件盛事三十周年。煙花大會是以邀請賽型式，邀請世界各地煙花隊伍參賽，這亦是世上最歷史悠久的離岸煙花比賽。 2017年日本 今年煙花大會在7月23日（星期六）、27日（星期三）及30日（星期六）的三晚10點在 English Bay Beach 舉行。23日晚是兩度得到冠軍的日本群馬県的灯屋煙火店打開頭炮，27日是本地薑 Yukon 白馬市的 Midnight Sun 隊伍，而最後一日是早在1860年成立的西班牙隊伍Pirotecnia Zaragozana，相信三日的表現都會非常精彩。 2017年日本 雖然煙花大會係免費入場，你亦可以在 Eventbrite 官網 俾少少錢購票坐在不同贊助商的看台觀賞。如果大家唔想花太多金錢的話，其實只要 Downtown Denman 街行去English Bay 沙灘就是會場，當然好位置就要盡早霸位啦。小弟早幾年前去 9 時左右沙灘已經插針不下，所以之後去都會沿著 Beach Ave 沿海岸一直行去近Denman 的位置，雖然視覺會偏少少，但都一樣震撼，而且無咁多人。不過無論你去邊一邊都好，我都建議你盡量不要駕車，因為 Downtown 絕大部份地方都唔會找到地方泊車，又或者封路封到行好遠。。 亦有人會選擇在對面岸 Kitslano beach 旁的Vanier Park 欣賞，但因為平時泊車位都已經少得可憐，又沒有 Skytrain 到達，所以除非你在附近居住或工作，唔太建議去這邊。

農家市集重新上路

天氣終於都開始回暖，又終於唔駛日日都對住黑沉沉的雨天，即係表示休息了一段日子的農家市集又再開始。Vancouver Farmers Market 顧名思義就是宣傳 Fraser Valley 農家自家出產的農產品，由時令蔬果花卉以至自家制作的食品飲品都會有。由於不經超市批發的程序，所以一定是當時得令最新鮮的。 上星期日小編去了剛剛重開的 Trout Lake 市集，天氣和暖，行得很舒服，而且疫情緩和都見了不少人重新走出來。下星期日Kitslano Community Center 的農家市集亦會重開，大家記得支持一下本地的農業啊。 有很多唔知乜野嘅蔬菜，但又好好味 佢d spice 好香 即製 Crepes 呢個係真。葡撻，唔係澳門的改良版。