「街坊詢問處」再次請黎 CIBC 房屋貸款顧問 Harris Liu 同街坊解答有關房屋按揭各方面嘅問題同貼士。

日期：5月30日（星期一）
時間：9:00-10:00 pm PST

Discord交流平台：https://discord.com/events/890138997609861140/960750317132197898

Youtube頻道轉播：https://www.youtube.com/c/VanKaifong

呢間係太太無意中發現的，雖然駕車經過很多次，但沒有一次會落車入去。原來很有驚喜。

法文名FORÊT NOIRE 即係黑森林蛋糕，但我覺得佢比見慣見熟的黑森林蛋糕更精彩。

糕餅都不太甜，很精緻，食完不會有飽滯的感覺。橙色那個芒果mousse 蛋糕好香芒果味，內裡加入了好似係passion fruit，感覺很精新。

不過其實它的周邊食品都很有趣，好似這唇膏朱古力及 Love 朱古力禮盒，買來送俾人一流。

不過最耀眼的，都算是Macaron了。

不過唯一要彈的，就是貴。一件單人蛋糕都 $10，買三幾件已經是別人的一整個6吋蛋糕了，不過講味道，佢真係無得輸，大家可以試試。

FORÊT NOIRE PATISSERIE
236 West Broadway, Vancouver.

你在 Mount Pleasant 行行下有無見過呢件野呢? 在 Ontario 街可以找到幾個這樣的柱。但究竟這條柱是甚麼? 路標? 地圖? 日出日落? 外星人降落點?

依照 Scout Magazine 的 Christine Hagemoen 找到的資料，這是 2002 年設計 Ontario Greenway 的時候建成的，設計師的目的是俾你 (比較有型地) 知道你這一刻身在是在哪一段的 Ontario 街，由上至下就是由北至南。我這張相的圓圈所在第二條橫線，就是代表 E Broadway。在附近 E 8th Ave 都有一個，話說共有12個，你又可以找到幾多個?

這個資訊大家係咪覺得很有用呢?🤣

話時話大家又知唔知其實溫哥華街道的東及西係由 Ontario 街為中心分開?

伸延閱讀:
https://scoutmagazine.ca/2017/01/04/you-should-know-the-explanation-behind-the-odd-granite-obelisks-of-mount-pleasant/

甚麼是 Ontario Greenway?

「街坊會客室」請黎名嘴及政界中人姚永安（Gabriel）同我哋分享一下從香港進念到加拿大任職中文媒體，由評論施政到參與政治的漫長移民路。

嘉賓：名嘴及政界中人姚永安（Gabriel）
日期：5月20日（星期五）
時間：9:00 pm PST
平台：Discord交流平台／YouTube轉播

Discord交流平台：https://discord.gg/5pfPEA66ay

Youtube頻道轉播：https://www.youtube.com/c/VanKaifong

在 Main 及 E 8th Ave 有一間不甚起眼的法式小餅店叫 Melo Patisserie，不過我可以講，佢係全溫哥華最好食的法式西餅三甲之內，應該無異議。

Chef Melo 很平易近人，經常見佢由餅房走出來跟顧客傾計，很好笑容的。而他作的西餅及蛋糕，你應該食完都會滿口笑容離開。其實我最愛的，是他的甜點不會過份地甜及膩，味道及份量都恰到好處，不會令你太飽，但又可以滿足你第三個胃的要求。有人講他的 crossiant 全溫哥華最好的，我不知道，我反而最喜歡他的 financier(金磚蛋糕?)，配咖啡簡直一流。當然，你都可以預訂生日蛋糕，個樣真係靚到送俾人絕對唔會失禮。

店子裡面裝潢亦非常漂亮，早前天花倒吊了很多乾花，感覺好似花店。前兩日再去，乾花走了，代之而是一個個吊住的熱氣球模樣的公仔，非常可愛，似個遊樂場一樣，這種精緻細心及品味，真係要跟法國/法系人學習。

那條街最近因為工程而攪到烏煙瘴氣，大家去時要小心一點，要泊車在附近的橫街泊就可以。

Melo Patisserie
https://melopatisserie.com

[原文在2021年7月8日在街坊會MeWe group 刊登]

轉載自 Edkin 遊子歸加 回流加拿大的日常事

係香港人群組裡面有新朋友講起行山。北美咁大地方，講到山野景致，同洛基山脈接壤嘅州份同省份真係得天獨厚。成個BC地方超大超靚，唯一嘅問題係唔夠錢唔夠時間唔夠體力，唔係淨係BC省都玩唔完。

由於BC可以去嘅地方實在太豐富，自己見識都唔算特別廣闊，我就只係集中講下係大溫地區一日之內行得完嘅短線路程可以點去。以下面所講既估計時間，喺用慢腳，比較保守嘅時間估計。實際時間最好自己調查一下距離同爬升，再根據自己過往經驗作為調整。

最簡單方便經濟實惠，一開始一定係北溫。而且因為有Cypress, Grouse同埋Seymour 三大滑雪場加持，好多靚山由停車場出發都可以偷雞行少一大截。例如由Seymour Parking出發，一條幾乎平路行去Dog Mountain喺輕鬆之選。再唔係行去Mt. Seymour 既First and Second Peak 都係5，6個鐘頭來回。

Grouse 主要係上Goat 同Crown Mountain，雖然水平距離只有三幾公里，但係難度不小。由山頂纜車站出發八小時來回都好正常。路線比較濕滑同有泥濘，建議等雨水比較少，路面乾爽時候更加適合。

Cypress選擇就更加多。Eagle Bluff相對比較容易去，但係即使往北走，去到打卡聖地St. Marks Sunmit亦都只係三，四個小時來回。Cypress係Howe Sound Trail起點，如果一直行，去到Lions同Brunswick都可以。但係呢兩個山難度都唔少，體力不足嘅就絕對唔建議，而且如果只係一日行程，就只係夠時間攻克一個山頂，都係逐個去啦。

另一個更加由容易到最困難都有得玩嘅路線就係Lynn Valley。由Lynn Valley Road入，往南走就係Rice Lake同埋本地人先去，唔使收錢嘅吊橋。山谷嘅景致非常漂亮，而且盛夏嘅時候河谷嘅水亦都唔會太凍，好多人去玩水。其中一個支線就係上Lynn Peak。路線唔長但係爬升非常厲害。可以想像係特別進階版嘅Grouse Grind。一般人來回之後都會腳軟。

直接北上，七公里距離就係Norvan Fall。一個非常漂亮而且可以走到瀑布底下既路線。雖然唔算難，但係距離相對長，小朋友未必有足夠體力完成全程。係Norvan Fall旁邊，就係上去魔王級既Coliseum Mountain。Coliseum 其實同Lions及Brunswick差唔多難度，問題就係加上Norvan Fall呢一段十幾公里來回，就唔喺咁多人做得到。年年都有人要人救落山，所以要準備充分先至好試。

其實都未講完，不過我諗分開下一集先至講其他更加容易同適合一家人去嘅路線。但係一定要同大家講，行山一定要有所準備。以上介紹嘅路線全部都係本地非常熱門，基本上一定會遇到行同一條路線嘅山友。有事坐定唔好亂咁走，總會有人幫到你。畢竟BC山體比香港大得多，搜救好需要時間，而且亦都要對野生動物有所防範，所以有關準備我諗又係要另外開一節出來講。

以上路線，有車既話係相當容易去。比起其他省份，一個鐘頭都唔駛嘅駕駛距離已經可以去咁靚既山其實係難以想像。不過有好多新嚟嘅朋友未有車，咁就比較棘手。當然如果呢個群組入邊有朋友去，跟車一齊上係唔錯，不過要夾啱又唔喺咁容易。大家可以試下加入一啲本地行山群組，周不時都會有好心嘅朋友，橫豎出車重有兩個位，就會問有冇人想跟埋去。通常參加嘅人都係自己冇車，咁就可以約喺溫哥華某啲地鐵站外面等，好多時都係比返十幾廿蚊油錢當做謝禮就可以。

不過，同陌生人同一架車上山係有一定風險，所以要自己研究下嗰個信唔信得過，如果出到黎變成喺孤男寡女當然就可免則免。另外可以用car sharing，偶然一日用下車嘅朋友係一個好選擇。

BC Hiking and Adventure Group

https://www.facebook.com/groups/808903849314933/?ref=share

希望哩個群組多啲人搞行山會，可以帶到多啲朋友去睇享受一下Beautiful British Columbia。

天氣終於都開始回暖，又終於唔駛日日都對住黑沉沉的雨天，即係表示休息了一段日子的農家市集又再開始。Vancouver Farmers Market 顧名思義就是宣傳 Fraser Valley 農家自家出產的農產品，由時令蔬果花卉以至自家制作的食品飲品都會有。由於不經超市批發的程序，所以一定是當時得令最新鮮的。

上星期日小編去了剛剛重開的 Trout Lake 市集，天氣和暖，行得很舒服，而且疫情緩和都見了不少人重新走出來。下星期日Kitslano Community Center 的農家市集亦會重開，大家記得支持一下本地的農業啊。

Vancouver Farmers Market
https://eatlocal.org

如果大家有留意的話，3月下旬白色的染井吉野櫻花開花落到長出綠葉的兩三個星期之後，好像失去了色彩一樣，不過不要緊，4月中後段迎來另一個稍遲開的櫻花關山櫻，其一簇簇粉紅的花群，遍佈整棵樹，非常搶眼奪目。

今日向大家介紹小編最近發現的一個景點，串連 Dumfries Street 夾 28至32nd Avenue三條街在路旁的關山櫻，整條街都被一簇簇的櫻花覆蓋著，如同一條櫻花隧道般，非常誇張。最有趣是，如果你由33rd Avenue 行入去，在迴旋處那裡向北望，你會覺得整條前路都被櫻花包圍住，因為去到約30th Avenue 條路會走向下坡，所以你就見到再前面的樹頂的櫻花。大家要看，這兩天就要去看，如果唔係就要再等一年了。

近月加拿大對港人救生艇的政策及其他相關移民政策不斷的更新，我哋知道街坊一定會有好多問題！我哋再次請來移民法律顧問 Sherry Kang 黎街坊會嘅 Discord 平台幫手解答各種移民問題。

日期：4月29日（星期五）
時間：20:30 – 21:30 PST
嘉賓：Sherry Kang （移民法律顧問）
平台：Discord

到時準時喺Discord見大家：https://discord.gg/5pfPEA66ay

Want to improve your English skills? VKA and HK House are teaming up to offer free drop-in English conversation sessions!

Here are our session topics:
April 9 – Basic conversational English
April 23 – Going to the supermarket
May 7 – Going to the restaurant

Sign up here: https://forms.gle/TLVmboyieSXxfaYe6

See you soon!

大家好！ 想唔想提升你嘅英語水平呢？ 香港屋同溫哥華街坊會將會舉辦免費嘅英語會話小組, 歡迎大家隨時 Drop in!

以下係會話題目：
4月9號 – 簡單英語對話
4月23號 – 行超級市場
5月7號 – 去餐廳

報名參加：https://forms.gle/TLVmboyieSXxfaYe6